Ortalyq Qarateńizdiń týristik qalasy Ordý. Munda Qarateńizdiń eń uzyn jaǵalaýy bar.
Ordý qalasy VIII ǵasyrda Kotiora ataýymen, Qara teńizdiń janynda Milet koloniiasy retinde qurylǵan. 1800 jylǵa deiin ponti grekteri meken etken kishi qala bolady. 1877 jyly orys-túrik soǵysynan keiin qalaǵa Kavkazdan jáne Grýziiadan aýǵan bosqyn túrikter qonystana bastaidy. Qazirgi kezde qala turǵyndaryn Kavkazdan qonys aýdarǵan etnikalyq túrikter, musylman armiandary (hemshil), musylman grýzinderi (chvenebýri), sonymen qatar etnikalyq grekterdiń urpaqtary quraidy.
Ordýdyń keremet panoramasy kórinetin jer - Boztepe. Ol jerge kólikpen jetýge de, qanatty jolmen de barýǵa da bolady. Boztepe Almatynyń Kóktóbesine uqsaidy.
Al Gaga kóliniń tabiǵaty, ortasyndaǵy shaǵyn araly jáne sýdyń túbindegi shirkeý qaldyqtary birden kózge túsedi.
Sonymen qatar, Túrkiiada birinshi bolyp ashylǵan Kahraman Sagra jańǵaq murajaiy jumys isteidi. Jergilikti halyqtyń qoldaýymen jańǵaq sharýashylyǵynda paidalanylǵan zattar biriktirilip, tarihi úi jańǵaq murajaiy retinde paidalanyla bastady.
Murajaiǵa kelgen qonaqtarǵa jańǵaq otyrǵyzýdan óndirýge, jinaýdan bastap óńdeýge jáne tasymaldaýǵa deiingi barysy túsindirilip, jańǵaqtyń qiyn joly materialdarmen baiandalady. Kelýshiler bul murajaida ár kezeńdi kezeń-kezeńimen tamashalai alady.
Aqbota Musabek
