Foto: Facebook.com
Orda.kz redaktory Gúlnar Bajkenovanyń keńsesi men páterinde qazir tintý júrgizilip jatyr. Bul týraly Ult.kz HALYQSTAN arnasyna silteme jasap habarlaidy.
Almaty qalalyq Politsiia departamentiniń málimetinshe, azamatsha B.-ǵa qatysty birneshe ret ádeii jalǵan aqparat taratý faktileri boiynsha qylmystyq ister qozǵalǵan.
Tergeý barysynda aryzdanýshylardyń ýájderi tekserilip jatyr. Aldyn ala aqparatqa sáikes, 2024 jylǵy bir materialda quqyq qorǵaý organdarynyń qyzmetkeri para alǵan sátinde ustaldy degen derek taratylǵan. Alaida mundai oqiǵanyń bolmaǵany anyqtalǵan. Bul jaǵdai atalǵan qyzmetkerdiń kásibi bedeline nuqsan keltirip, qoǵamda jalǵan pikir qalyptastyrǵan.
Taǵy bir jariialanymda múliktik daýdaǵy zalal kólemi men sebepteri burmalanyp berilgen. Bul da qoǵamdy jańylystyryp, aryzdanýshynyń iskerlik bedeline eleýli ziian keltirgen.
Budan bólek, aldyńǵy jyldardaǵy birneshe material boiynsha da jábirlenýshilerdiń shaǵymdary negizinde tergeý júrgizilip jatyr. Olarda da jalǵan nemese shatastyratyn aqparat bolýy múmkin degen boljam bar.
Politsiianyń habarlaýynsha, Gúlnar Bajkenovanyń turǵylyqty jeri men jumys ornynda tergeý áreketteri júrgizilýde. Jariialanǵan aqparattardyń qalai daiyndalǵany men taralǵanyn anyqtaý úshin elektrondy qurylǵylar men materialdar alynyp jatyr.
Tergeý jalǵasýda. Barlyq mán-jai zań aiasynda anyqtalatyny aityldy.
