Túrkistan oblysy mádeniet basqarmasynyń uiymdastyrýymen Ordabasy aýdanynda «Tarihi ataýlardy qaitarý – tarihi jańǵyrý kepili» atty oblystyq konferentsiia ótti, dep habarlaidy «Ult aqparat» oblys ákimdiginiń baspasóz qyzmetine silteme jasap.
Sharaǵa oblystyq mádeniet basqarmasynyń qyzmetkerleri, tarihshy ǵalymdar, ziialy qaýym ókilderi jáne aýdanǵa qarasty aýyldyq okrýgterdiń ákimderi men onomastika salasyna jaýapty aýdan, qalalyq mádeniet, tilderdi damytý, dene shynyqtyrý jáne sport bóliminiń qyzmetkerleri qatysty.
Sharanyń maqsaty onomastikalyq ataýlardy qalpyna keltirý, retteýde basty baǵyttardyń biri halyqtyń qoǵamdyq sanasyn jańǵyrtý aiasynda jergilikti atqarýshy organdardyń onomastika salasyndaǵy jumysyn úilestirý jáne júielendirý boldy.
Atalǵan is-sharada tarihi ataýlardy jańǵyrtý maqsatynda ideologiialyq turǵydan eskirgen ataýlar men qaitalanatyn ataýlardy tarihi jer-sý ataýlaryna almastyrý, Qazaqstan Respýblikasy Mádeniet jáne sport ministrliginiń ázirleýimen «Tarihi tulǵalar», «Tarihi jer-sý ataýlary» jáne «Dástúrli ataýlar» tizimderin jumys barysynda basshylyqqa alý kerektigi atalyp ótti.
Sonymen qatar Ordabasy, Saýran aýdandary mádeniet bólim basshylarynyń onomastika salasy boiynsha esebi jáne Q.A.Iasaýi atyndaǵy Halyqaralyq qazaq-túrik ýniversitetiniń aǵa oqytýshysy, professor Serdáli Bekjigit Kenjebekulynyń baiandamasy tyńdaldy. Konferentsiia sońy pikir almasýmen qorytylandy.
