Foto: Túrkistan óńirlik komminikatsiia qyzmeti
Ordabasy aýdanynda biylǵy jyldyń 6 aiynda 3 investitsiialyq joba iske qosyldy. Jalpy quny 4,2 milliard teńgeni quraityn bul ónerkásip oryndarynda 533 jańa jumys orny ashylyp otyr, – dep habarlaidy «Ult aqparat».
Óńir ekononomikasyna aitarlyqtai úles qosýǵa qaýqarly jobalar qatarynda «JNRAY Group» kompaniiasynyń tigin fabrikasy, «Borte Engineering» kompaniiasynyń tamaq ónerkásibine arnalǵan óndiristik tehnikalyq jabdyqtar shyǵarý fabrikasy men «Bórte milka» kompaniiasynyń saýyn siyr basyn 400 basqa, sút zaýytynyń qýattylyǵyn táýligine 10 tonnaǵa ulǵaitý jobalary bar.
«Úsh júzdiń basyn qosyp, eldiń tatýlyǵy men birligi bolǵan Ordabasy aýdanyna biyl 60 jyl. Osy mereitoiǵa orai aýdan ákimdiginiń qoldaýymen 28 maýsym BAQ ókilderiniń merekesi qarsańynda eldi mekende atqarylyp jatqan jumystar tanystyryldy.
2024 jyldyń 5 aiynda aýdan biýdjetiniń ózindik kiristeri artyp, ótken jylmen salystyrǵanda 733 mln. teńgeni quraǵan. Al sońǵy 2 jylda bul kórsetkish 6,9%-dan 32,7%-ǵa ósken. Naqtyraq aitqanda, biyl aýdanǵa 10,2 mlrd. investitsiia baǵyttalyp, onyń ishinde, ónerkásip salasynda quny 4,2 mlrd. teńgeni quraityn, 3 iri joba, 133 jumys ornymen ashylǵan. Alǵashqy aialdamamyz «Jnray» tigin fabrikasy boldy. 2024 jyldyń sáýir aiynda óz jumysyn bastaǵan fabrika, táýligine 500 dana ónim shyǵarýǵa qaýqarly. Jalpy quny – 1 mlrd. 300 mln teńgeni quraityn kásiporynnyń óndiris alańy 1,5 gektar. Kompaniianyń ónimi tolyqtai derlik elimizdiń ishki naryǵyna jiberiledi. Jalpy tigin fabrikasy 3 kezeńmen iske asyrylýda, 2023 jyly qurylysy bastalyp, biyl aiaqtalady dep josparlanǵan. Tolyǵymen zamanaýi qurylǵylarmen jabdyqtalǵan fabrika, qazirgi tańda 50-ge tarta aýyl turǵyndaryn jumyspen qamtyp otyr», – deidi arnaiy týrdy uiymdastyrýshylar.
Badam eldi mekeninde ashylǵan «JNRAY Group» JShS-ń tigin fabrikasy táýligine 500 dana ónim alýǵa qaýqarly. Onyń jalpy quny – 1 milliard 300 million teńgeni qurap otyr. Búginde fabrika ónimderi oblys kóleminde ǵana emes, respýblikaǵa da tanylyp úlgergen. Jobalar tolyǵymen iske asqan jaǵdaida óńirde sút óńdeý salasy artyp, ónim kólemi de ulǵaia túspek. Al, tigin fabrikasyna degen tapsyrys kólemi de kóbeiedi dep kútilýde.
Al, Resei jáne Italiia elderimen birlesip qolǵa alynǵan «Borte Engineering» kompaniiasynyń tamaq ónerkásibine arnalǵan óndiristik tehnikalyq jabdyqtar shyǵarý fabrikasynyń ónimderi alys-jaqyn shetelderge eksporttalyp jatyr. 25 adamdy turaqty jumyspen qamtyp otyrǵan nysannyń jalpy quny – 1 milliard 100 mln teńgeni quraidy.
Kompaniia qazirgi tańda sút ónimderine arnalǵan qural jabdyqtar shyǵarýda. Elimizde alǵash ret ashylǵan bul kásip túriniń dál osy aýdanǵa salynýy eksportqa qolaily bolýy úshin deidi kompaniia direktory.
Aýyl halqynyń negizgi tabys kózi sharýalyshyqta. Búginde aýdanda saýyndy siyr sanyn arttyryp, tabiǵi sút ónimderin shyǵaryp otyrǵan «Bórte milka» kompaniiasy jumys jasaidy. Jalpy ferma 3 kezeńmen iske asyrylǵan. 2015 jyly sút taýarly fermanyń qurylysy bastalyp, 1-shi, 2-shi siyr qoralarynyń qurylysy júrgizilgen. Zaman talabyna sai fermada Shvetsiianyń «DeLaval» kompaniiasy qural-jabdyqtary, siyr saýatyn robottary ornatylǵan. Aita keteiik, munda 136 bas sútti baǵyttaǵy asyl tuqymdy iri qara mal Vengriianyń «Hýland Treid» kompaniiasynan alynǵan. 110 adamdy jumyspen qamtyp otyrǵan fermaǵa, Italiia memleketiniń «Tehnolat», «SPX» kompaniialarynyń qural-jabdyqtary qoiylǵan. Sonymen qatar, 400 bas iri qara malǵa qorajai salynýda.
Budan bólek, 2024 jyldyń sońyna deiin quny 6,9 milliard teńgege, 354 jańa jumys ornymen 7 investitsiialyq jobany iske qosý josparlanyp otyr. Olardyń ishinde «Central Asia Aluminum» kompaniiasy aliýminii buiymdaryn óndirý jobasy, «Dala Construction.kz» kompaniiasynyń qabyrǵalarǵa, edenge jáne tóbege arnalǵan jylý oqshaýlaǵysh material (keramzit) óndirý jobasy, «Anuar Company» kompaniiasynyń qysh zaýyty bar. Sondai-aq «Batyr Beton» kompaniiasynyń temir beton buiymdaryn jáne asfalt shyǵarý jobasy, «AMG Park» kompaniiasynyń balalarǵa arnalǵan oiyn alańshalaryn jinaý jobasy, «KAZDEZGROUP» kompaniiasynyń zalasyzdandyrý ónimderin óndirý jobasy, «Steel Frame» kompaniiasynyń metall ónimderin óndirý jobasy iske qosylmaq.
Temirlan eldi mekeninde «Qurtai» kanaly boiyndaǵy gúlzar, jańa demalys aimaǵynyń qurylysy júrgizilýde. Bul jańashyldyq eldi mekenniń ajaryn asha túspek. Nysan biyl shilde-tamyz ailarynda qoldanysqa beriledi dep josparlanýda. Onda balalarǵa arnalǵan oiyn alańshasy, oryndyqtar, jaryqshamdar ornatylyp, sportpen ainalysýǵa barlyq jaǵdai jasalǵan. Qajymuqan aýyl okrýgi, Temirlan eldi mekeninde 250 oryndyq sporttyq-saýyqtyrý kesheniniń qurylysy júrgizilýde. «Aýyl – el besigi» baǵdarlamasy aiasyndaǵy sport keshenin salýǵa 1078,9 mln.teńge qarjy bólingen. Sonymen qatar, Samal móltek aýdanynda da arendalyq turǵyn úilerdiń qurylysy júrip jatyr. Qazir onda 1 qabatty, 2 bólmeli 26 turǵyn úidiń qurylysy qarqyndy júrýde. Aýdanda turǵyn úi kezeginde 2223 adam tirkelgen. Qurylys jumystaryn qazan aiyna deiin tolyq aiaqtaý josparlanǵan.
Sonymen qosa aýdannyń ortalyq saiabaǵynda 31 mamyr – saiasi qýǵyn-súrgin jáne asharshylyq qurbandaryn eske alý kúnine orai, jeltoqsan qaharmandarynyń azamattyq erligine arnalǵan memorial ashylǵan. Saiabaqtyń jańa qurylysmen qosa, aýdanda bolyp jatqan ózgeristermen de tanystyq.
2023 jyldyń shilde aiynda turǵyndar qoldanysyna berilgen «Ana men bala» alleiasynyń aýdanda alar orny erekshe. Saiabaq yntymaq pen tatýlyqtyń mekeni sanalǵan Ordabasy aýdanyndaǵy altyn qursaq analardyń qurmetine salynǵan. Aita keteiik, aýdanda el demografiiasyna úles qosyp kele jatqandar az emes, bul rette, 268 birinshi jáne ekinshi dárejeli «Ana dańqty» ordenin ielengen ana, 120 «Batyr ana», 785 «Altyn alqa», 2928 «Kúmis alqa» iegerleri jáne 7886 kópbalaly ana turady.
