فوتو: تٷركٸستان ٶڭٸرلٸك كوممينيكاتسييا قىزمەتٸ
ورداباسى اۋدانىندا بيىلعى جىلدىڭ 6 ايىندا 3 ينۆەستيتسييالىق جوبا ٸسكە قوسىلدى. جالپى قۇنى 4,2 ميلليارد تەڭگەنٸ قۇرايتىن بۇل ٶنەركەسٸپ ورىندارىندا 533 جاڭا جۇمىس ورنى اشىلىپ وتىر, – دەپ حابارلايدى «ۇلت اقپارات».
ٶڭٸر ەكونونوميكاسىنا ايتارلىقتاي ٷلەس قوسۋعا قاۋقارلى جوبالار قاتارىندا «JNRAY Group» كومپانيياسىنىڭ تٸگٸن فابريكاسى, «Borte Engineering» كومپانيياسىنىڭ تاماق ٶنەركەسٸبٸنە ارنالعان ٶندٸرٸستٸك تەحنيكالىق جابدىقتار شىعارۋ فابريكاسى مەن «بٶرتە ميلكا» كومپانيياسىنىڭ ساۋىن سيىر باسىن 400 باسقا, سٷت زاۋىتىنىڭ قۋاتتىلىعىن تەۋلٸگٸنە 10 تونناعا ۇلعايتۋ جوبالارى بار.
«ٷش جٷزدٸڭ باسىن قوسىپ, ەلدٸڭ تاتۋلىعى مەن بٸرلٸگٸ بولعان ورداباسى اۋدانىنا بيىل 60 جىل. وسى مەرەيتويعا وراي اۋدان ەكٸمدٸگٸنٸڭ قولداۋىمەن 28 ماۋسىم باق ٶكٸلدەرٸنٸڭ مەرەكەسٸ قارساڭىندا ەلدٸ مەكەندە اتقارىلىپ جاتقان جۇمىستار تانىستىرىلدى.
2024 جىلدىڭ 5 ايىندا اۋدان بيۋدجەتٸنٸڭ ٶزٸندٸك كٸرٸستەرٸ ارتىپ, ٶتكەن جىلمەن سالىستىرعاندا 733 ملن. تەڭگەنٸ قۇراعان. ال سوڭعى 2 جىلدا بۇل كٶرسەتكٸش 6,9%-دان 32,7%-عا ٶسكەن. ناقتىراق ايتقاندا, بيىل اۋدانعا 10,2 ملرد. ينۆەستيتسييا باعىتتالىپ, ونىڭ ٸشٸندە, ٶنەركەسٸپ سالاسىندا قۇنى 4,2 ملرد. تەڭگەنٸ قۇرايتىن, 3 ٸرٸ جوبا, 133 جۇمىس ورنىمەن اشىلعان. العاشقى ايالدامامىز «Jnray» تٸگٸن فابريكاسى بولدى. 2024 جىلدىڭ سەۋٸر ايىندا ٶز جۇمىسىن باستاعان فابريكا, تەۋلٸگٸنە 500 دانا ٶنٸم شىعارۋعا قاۋقارلى. جالپى قۇنى – 1 ملرد. 300 ملن تەڭگەنٸ قۇرايتىن كەسٸپورىننىڭ ٶندٸرٸس الاڭى 1,5 گەكتار. كومپانييانىڭ ٶنٸمٸ تولىقتاي دەرلٸك ەلٸمٸزدٸڭ ٸشكٸ نارىعىنا جٸبەرٸلەدٸ. جالپى تٸگٸن فابريكاسى 3 كەزەڭمەن ٸسكە اسىرىلۋدا, 2023 جىلى قۇرىلىسى باستالىپ, بيىل اياقتالادى دەپ جوسپارلانعان. تولىعىمەن زاماناۋي قۇرىلعىلارمەن جابدىقتالعان فابريكا, قازٸرگٸ تاڭدا 50-گە تارتا اۋىل تۇرعىندارىن جۇمىسپەن قامتىپ وتىر», – دەيدٸ ارنايى تۋردى ۇيىمداستىرۋشىلار.
بادام ەلدٸ مەكەنٸندە اشىلعان «JNRAY Group» جشس-ڭ تٸگٸن فابريكاسى تەۋلٸگٸنە 500 دانا ٶنٸم الۋعا قاۋقارلى. ونىڭ جالپى قۇنى – 1 ميلليارد 300 ميلليون تەڭگەنٸ قۇراپ وتىر. بٷگٸندە فابريكا ٶنٸمدەرٸ وبلىس كٶلەمٸندە عانا ەمەس, رەسپۋبليكاعا دا تانىلىپ ٷلگەرگەن. جوبالار تولىعىمەن ٸسكە اسقان جاعدايدا ٶڭٸردە سٷت ٶڭدەۋ سالاسى ارتىپ, ٶنٸم كٶلەمٸ دە ۇلعايا تٷسپەك. ال, تٸگٸن فابريكاسىنا دەگەن تاپسىرىس كٶلەمٸ دە كٶبەيەدٸ دەپ كٷتٸلۋدە.
ال, رەسەي جەنە يتالييا ەلدەرٸمەن بٸرلەسٸپ قولعا الىنعان «Borte Engineering» كومپانيياسىنىڭ تاماق ٶنەركەسٸبٸنە ارنالعان ٶندٸرٸستٸك تەحنيكالىق جابدىقتار شىعارۋ فابريكاسىنىڭ ٶنٸمدەرٸ الىس-جاقىن شەتەلدەرگە ەكسپورتتالىپ جاتىر. 25 ادامدى تۇراقتى جۇمىسپەن قامتىپ وتىرعان نىساننىڭ جالپى قۇنى – 1 ميلليارد 100 ملن تەڭگەنٸ قۇرايدى.
كومپانييا قازٸرگٸ تاڭدا سٷت ٶنٸمدەرٸنە ارنالعان قۇرال جابدىقتار شىعارۋدا. ەلٸمٸزدە العاش رەت اشىلعان بۇل كەسٸپ تٷرٸنٸڭ دەل وسى اۋدانعا سالىنۋى ەكسپورتقا قولايلى بولۋى ٷشٸن دەيدٸ كومپانييا ديرەكتورى.
اۋىل حالقىنىڭ نەگٸزگٸ تابىس كٶزٸ شارۋالىشىقتا. بٷگٸندە اۋداندا ساۋىندى سيىر سانىن ارتتىرىپ, تابيعي سٷت ٶنٸمدەرٸن شىعارىپ وتىرعان «بٶرتە ميلكا» كومپانيياسى جۇمىس جاسايدى. جالپى فەرما 3 كەزەڭمەن ٸسكە اسىرىلعان. 2015 جىلى سٷت تاۋارلى فەرمانىڭ قۇرىلىسى باستالىپ, 1-شٸ, 2-شٸ سيىر قورالارىنىڭ قۇرىلىسى جٷرگٸزٸلگەن. زامان تالابىنا ساي فەرمادا شۆەتسييانىڭ «دەلاۆال» كومپانيياسى قۇرال-جابدىقتارى, سيىر ساۋاتىن روبوتتارى ورناتىلعان. ايتا كەتەيٸك, مۇندا 136 باس سٷتتٸ باعىتتاعى اسىل تۇقىمدى ٸرٸ قارا مال ۆەنگرييانىڭ «حۋلاند ترەيد» كومپانيياسىنان الىنعان. 110 ادامدى جۇمىسپەن قامتىپ وتىرعان فەرماعا, يتالييا مەملەكەتٸنٸڭ «تەحنولات», «SPX» كومپانييالارىنىڭ قۇرال-جابدىقتارى قويىلعان. سونىمەن قاتار, 400 باس ٸرٸ قارا مالعا قوراجاي سالىنۋدا.
بۇدان بٶلەك, 2024 جىلدىڭ سوڭىنا دەيٸن قۇنى 6,9 ميلليارد تەڭگەگە, 354 جاڭا جۇمىس ورنىمەن 7 ينۆەستيتسييالىق جوبانى ٸسكە قوسۋ جوسپارلانىپ وتىر. ولاردىڭ ٸشٸندە «Central Asia Aluminum» كومپانيياسى اليۋمينيي بۇيىمدارىن ٶندٸرۋ جوباسى, «Dala Construction.kz» كومپانيياسىنىڭ قابىرعالارعا, ەدەنگە جەنە تٶبەگە ارنالعان جىلۋ وقشاۋلاعىش ماتەريال (كەرامزيت) ٶندٸرۋ جوباسى, «Anuar Company» كومپانيياسىنىڭ قىش زاۋىتى بار. سونداي-اق «باتىر بەتون» كومپانيياسىنىڭ تەمٸر بەتون بۇيىمدارىن جەنە اسفالت شىعارۋ جوباسى, «AMG Park» كومپانيياسىنىڭ بالالارعا ارنالعان ويىن الاڭشالارىن جيناۋ جوباسى, «KAZDEZGROUP» كومپانيياسىنىڭ زالاسىزداندىرۋ ٶنٸمدەرٸن ٶندٸرۋ جوباسى, «Steel Frame» كومپانيياسىنىڭ مەتالل ٶنٸمدەرٸن ٶندٸرۋ جوباسى ٸسكە قوسىلماق.
تەمٸرلان ەلدٸ مەكەنٸندە «قۇرتاي» كانالى بويىنداعى گٷلزار, جاڭا دەمالىس ايماعىنىڭ قۇرىلىسى جٷرگٸزٸلۋدە. بۇل جاڭاشىلدىق ەلدٸ مەكەننٸڭ اجارىن اشا تٷسپەك. نىسان بيىل شٸلدە-تامىز ايلارىندا قولدانىسقا بەرٸلەدٸ دەپ جوسپارلانۋدا. وندا بالالارعا ارنالعان ويىن الاڭشاسى, ورىندىقتار, جارىقشامدار ورناتىلىپ, سپورتپەن اينالىسۋعا بارلىق جاعداي جاسالعان. قاجىمۇقان اۋىل وكرۋگٸ, تەمٸرلان ەلدٸ مەكەنٸندە 250 ورىندىق سپورتتىق-ساۋىقتىرۋ كەشەنٸنٸڭ قۇرىلىسى جٷرگٸزٸلۋدە. «اۋىل – ەل بەسٸگٸ» باعدارلاماسى اياسىنداعى سپورت كەشەنٸن سالۋعا 1078,9 ملن.تەڭگە قارجى بٶلٸنگەن. سونىمەن قاتار, سامال مٶلتەك اۋدانىندا دا ارەندالىق تۇرعىن ٷيلەردٸڭ قۇرىلىسى جٷرٸپ جاتىر. قازٸر وندا 1 قاباتتى, 2 بٶلمەلٸ 26 تۇرعىن ٷيدٸڭ قۇرىلىسى قارقىندى جٷرۋدە. اۋداندا تۇرعىن ٷي كەزەگٸندە 2223 ادام تٸركەلگەن. قۇرىلىس جۇمىستارىن قازان ايىنا دەيٸن تولىق اياقتاۋ جوسپارلانعان.
سونىمەن قوسا اۋداننىڭ ورتالىق ساياباعىندا 31 مامىر – ساياسي قۋعىن-سٷرگٸن جەنە اشارشىلىق قۇرباندارىن ەسكە الۋ كٷنٸنە وراي, جەلتوقسان قاھارماندارىنىڭ ازاماتتىق ەرلٸگٸنە ارنالعان مەموريال اشىلعان. ساياباقتىڭ جاڭا قۇرىلىسمەن قوسا, اۋداندا بولىپ جاتقان ٶزگەرٸستەرمەن دە تانىستىق.
2023 جىلدىڭ شٸلدە ايىندا تۇرعىندار قولدانىسىنا بەرٸلگەن «انا مەن بالا» اللەياسىنىڭ اۋداندا الار ورنى ەرەكشە. ساياباق ىنتىماق پەن تاتۋلىقتىڭ مەكەنٸ سانالعان ورداباسى اۋدانىنداعى التىن قۇرساق انالاردىڭ قۇرمەتٸنە سالىنعان. ايتا كەتەيٸك, اۋداندا ەل دەموگرافيياسىنا ٷلەس قوسىپ كەلە جاتقاندار از ەمەس, بۇل رەتتە, 268 بٸرٸنشٸ جەنە ەكٸنشٸ دەرەجەلٸ «انا داڭقتى» وردەنٸن يەلەنگەن انا, 120 «باتىر انا», 785 «التىن القا», 2928 «كٷمٸس القا» يەگەرلەرٸ جەنە 7886 كٶپبالالى انا تۇرادى.
