Túrkistan oblysy, Ordabasy aýdany aýmaǵynda Arys-Shymkent baǵytyndaǵy kópirdi sý shaiyp ketti. Bul týraly Arys qalasynyń ákimdigi resmi túrde habarlap, júrgizýshilerge bul joldyń jabylǵanyn eskertti, dep habarlaidy QazAqparat.
«Arys qalasy men kórshiles Ordabasy aýdany Qaraspan (Obrýchevka) aýylyndaǵy Badam ózeniniń ústinen salynǵan ýaqytsha kópirdi sý basty. Arys-Shymkent baǵytyndaǵy joldyń ústindegi kópirdi sý basýynan barlyq kólik qozǵalysy shekteldi. Atalǵan sebepterge bailanysty Arys-Shymkent baǵytyndaǵy kólikterdiń ótý múmkindigi joq ekendigin nazarlaryńyzǵa jetkizemiz. Shymkent qalasyna shuǵyl túrde baratyn arnaiy ruqsaty bar kólik júrgizýshileriniń nazaryna, Montaitas-Badam-Shymkent baǵytymen júrý usynylady», delingen Arys qalasy ákiminiń habarlamasynda.
Aita keteiik, kúni keshe qatty nóser jaýynnan Qasqasý ózeni arnasynan asyp ketken bolatyn. Saldarynan Tólebi aýdanyndaǵy 4 kópirdi de sý shaiyp, Joǵary Qasqasý aýylynyń ishki joldary jabylyp qalǵan edi.
