تٷركٸستان وبلىسى, ورداباسى اۋدانى اۋماعىندا ارىس-شىمكەنت باعىتىنداعى كٶپٸردٸ سۋ شايىپ كەتتٸ. بۇل تۋرالى ارىس قالاسىنىڭ ەكٸمدٸگٸ رەسمي تٷردە حابارلاپ, جٷرگٸزۋشٸلەرگە بۇل جولدىڭ جابىلعانىن ەسكەرتتٸ, دەپ حابارلايدى قازاقپارات.
«ارىس قالاسى مەن كٶرشٸلەس ورداباسى اۋدانى قاراسپان (وبرۋچەۆكا) اۋىلىنداعى بادام ٶزەنٸنٸڭ ٷستٸنەن سالىنعان ۋاقىتشا كٶپٸردٸ سۋ باستى. ارىس-شىمكەنت باعىتىنداعى جولدىڭ ٷستٸندەگٸ كٶپٸردٸ سۋ باسۋىنان بارلىق كٶلٸك قوزعالىسى شەكتەلدٸ. اتالعان سەبەپتەرگە بايلانىستى ارىس-شىمكەنت باعىتىنداعى كٶلٸكتەردٸڭ ٶتۋ مٷمكٸندٸگٸ جوق ەكەندٸگٸن نازارلارىڭىزعا جەتكٸزەمٸز. شىمكەنت قالاسىنا شۇعىل تٷردە باراتىن ارنايى رۇقساتى بار كٶلٸك جٷرگٸزۋشٸلەرٸنٸڭ نازارىنا, مونتايتاس-بادام-شىمكەنت باعىتىمەن جٷرۋ ۇسىنىلادى», دەلٸنگەن ارىس قالاسى ەكٸمٸنٸڭ حابارلاماسىندا.
ايتا كەتەيٸك, كٷنٸ كەشە قاتتى نٶسەر جاۋىننان قاسقاسۋ ٶزەنٸ ارناسىنان اسىپ كەتكەن بولاتىن. سالدارىنان تٶلەبي اۋدانىنداعى 4 كٶپٸردٸ دە سۋ شايىپ, جوعارى قاسقاسۋ اۋىلىنىڭ ٸشكٸ جولدارى جابىلىپ قالعان ەدٸ.
