Búgin Ortalyq kommýnikatsiialar qyzmetindegi baspasóz máslihatynda Aqtóbe oblysynyń ákimi Ońdasyn Orazalin aýdandarǵa tikushaqpen barý sebebin túsindirdi, dep habarlaidy "Ult aqparat".
Baspasóz máslihatynda BAQ ókilderi ákimnen Muǵaljar jáne Baiǵanin aýdandaryna tikushaqpen barýy áleýmettik jelide qyzý talqylanǵanyn jáne osyǵan qatysty pikirin surady.
«Meniń oiymsha, bul - kúndelikti tájiribe. Odan tartynýdyń qajeti joq. Biz barǵanda Qaratóbede ekologiialyq apat oryn alyp, munai tógilip jatty. Al mundai tótenshe jaǵdaida tikushaqpen ushýǵa mindetti túrde biýdjetten qarajat bólinedi. Ol jerge mamandarmen birge bardyq. Sol óńirdegi shalǵai aýyldarǵa da barýdy josparladyq. Bul - jerden jeti qoian tapqandai áleýmettik jelide talqylaityn másele emes», - dedi oblys basshysy.
O.Orazalin eldi mekenderdegi problemalardy óz kózimen kórip, qulaǵymen estý úshin demalys kúnderi kólikpen aýyldarǵa baryp turatynyn aitty.
«Al endi bir tótenshe jaǵdai oryn alsa, onda dereý shara qoldaný úshin tikushaqpen ushyp barýǵa da daiynmyn», - dedi ol.
