Memleket basshysy Qasym-Jomart Toqaevtyń Qazaqstan musylmandaryn Oraza ait merekesimen quttyqtady, dep habarlaidy "Ult aqparat" Aqordanyń baspasóz qyzmetine silteme jasap.
***
Memleket basshysy Qasym-Jomart Toqaevtyń Qazaqstan musylmandaryn Oraza ait merekesimen quttyqtaýy
Qurmetti otandastar!
Sizderdi Oraza ait merekesimen shyn júrekten quttyqtaimyn!
Bul – islam álemindegi aitýly ári qasterli meiram.
Oraza ait rýhani turǵydan jańarýǵa jáne kemeldenýge úndeitin qasietti Ramazan aiyna jalǵasyp, jaqsylyqqa jeteleidi.
Imandylyqpen berik úndes adamgershilik pen baýyrmaldyq, qarapaiymdylyq pen kishipeiildilik – ulttyq tálim-tárbieniń bastaýy. Ony búgingi urpaqtyń ómir saltyna ainaldyrýymyz kerek.
Meiram kúnderi kúlli musylman qaýymy bir-birine qamqorlyq jasap, muqtaj jandarǵa qoldaý kórsetedi. Mundai igi ister bizdiń yrys-yntymaǵymyzdy arttyra túsedi.
Ramazan aiynda sabyr saqtap, tózimdilik tanytqanymyzdyń arqasynda indetke bailanysty qalyptasqan ahýal birshama turaqtandy.
Halqymyzdyń parasaty mol, birligi bekem bolsa, bul synaqtan da súrinbei ótemiz dep senemin.
Oraza ait qutty bolsyn!
Barshańyzǵa zor densaýlyq, baq-bereke jáne tolaiym tabys tileimin!
