Ramazan aiy tusynda Qazaqstan musylmandary dini musylmandary basqarmasy janynan azamattarǵa dini aqparat berý ortalyǵy ashyldy, dep habarlaidy QazAqparat.
«Shariǵatymyz boiynsha baliǵatqa tolǵan, aqyl-esi durys árbir musylmanǵa ramazan aiynda oraza ustaý – paryz. Alaida, jolaýshylarǵa, syrqattanǵan nemese densaýlyǵy nashar adamdar aýrýynyń asqynýynan qaýiptense jáne senimdi dáriger uzaq ýaqyt boiy ashyǵýdan densaýlyǵy kúrt nasharlap ketýi múmkin degen sheshim qabyldasa, sondai-aq júkti nemese omyraýda balasy bar áielderge oraza tutýdy keiinge qaldyrýǵa shariǵatymyz ruqsat beredi», - dedi Naýryzbai qajy Taǵanuly ortalyq kommýnikatsiialar qyzmetinde ótken baspasóz máslihatynda.
Sondai-aq, bas múfti elordada dini aqparat berý ortalyǵynyń iske qosylǵanyn jetkizdi.
«Eger orazaǵa, jalpy dini máselege qatysty qandai da suraqtaryńyz bolsa Qazaqstan musylmandary dini basqarmasy janynan dini aqparat berý ortalyǵy ashylǵanyn qaperlerińizge salamyn. Jamaǵattyń suraǵyna der kezinde jaýap beretin ortalyqtyń nómiri – 33-30-30. Ortalyqqa Nur-Sultan qalasynyń kody arqyly telefon shalýǵa bolady», - deidi ol.
Onyń aitýynsha, din salasynyń bilikti mamandary táýlik boiy qazaq jáne orys tilindegi suraqtarǵa jaýap beredi.
