Burynǵy vitse-premer, Ulttyq Bank pen Qarjy ministrligin basqarǵan Oraz Jandosov Tsifrlyq damý, innovatsiialar jáne aeroǵarysh ónerkásibi ministriniń shtattan tys keńesshisi bolyp taǵaiyndaldy, dep habarlaidy "Ult aqparat".
Bul týraly vedomstvo basshysy Baǵdat Mýsin óziniń Facebook paraqshasynda habarlady.
«Qazirgi zamanda tsifrlandyrý barlyq salany qamtyǵan. Ár salany saralap, bul baǵyt boiynsha qansha derek tsifrlyq nusqada jinaqtalatynyn jáne qanshasyn júieleý qajettigin aiqyndaý kerek. Bul - data driven government-ke kóshý jolyndaǵy negizgi talap.
Mysaly, geologiiadaǵy aqparattyń tsifrlyq nusqasyn alaiyq. Tonnalaǵan qaǵazdar skanerlendi, biraq ondaǵy maǵlumattardy túsiný qiyn, sondyqtan osy geologiialyq derekterdi «sóreler» boiynsha retteitin tiisti baza qajet. Mundai jumys ár sala boiynsha atqarylyp, jiktelip, ózekti derekter usynatyn durys protsester qurylýy kerek!
Bul turǵyda bizdiń ministrlik túrli ekonomikalyq saladaǵy qoǵam belsendilerimen tyǵyz jumys isteýi tiis.
Keide mańyzdy sheshim qabyldaý úshin tájiribeli kisilerdiń keńesi qajet bop jatady. Maǵan kez-kelgen sátte konsýltatsiia beretin asa tájiribeli, ózim arqa súieitin kisilerdiń biri - Oraz Áliuly Jandosov. Onymen Qazposhtada jumys istegende tanysqan bolatynmyn, ol kezde táýelsiz direktor bolatyn jáne Direktorlar keńesiniń tóraiymy Elena Leonidovna Bahmýtovamen birge maǵan tájiribelik turǵyda kóp qoldaý kórsetip, baǵyt-baǵdar jasaǵan edi. Sonda qurylǵan korporativtik basqarýdyń saýatty júiesin osynda, iaǵni TsDIAÓM-de engizgim keledi.
Sondyqtan men ekonomika salasynyń maitalmany Oraz Jandosovqa shtattan tys keńesshi bolýǵa usynys jasadym. Meniń usynysymdy qabyl alǵanyńyz úshin alǵys aitamyn!», - delingen jazbada.
