Iran astanasy Tegeranda ótken 35-shi Halyqaralyq Fadjr kinofestivalinde rejisser Sábit Qurmanbekovtiń «Oralman» filmi sheteldik filmder arasynan top jaryp, Bas júldeni - «Aziianyń úzdik filmi» júldesin jeńip aldy, dep habarlaidy "Ult aqparat" «Qazaqfilmniń» baspasóz qyzmetine silteme jasai otyryp.
Qazaqstan Respýblikasy Mádeniet jáne sport ministrliginiń tapsyrysy boiynsha Sh.Aimanov atyndaǵy «Qazaqfilm» kinostýdiiasy túsirgen atalǵan film osy festivaldiń «Shyǵys Panoramasy» sektsiiasynda 12 elden kelip túsken 15 tolyqmetrajdy kartinamen baq synaǵan.
Eske sala keteiik, «Oralman» filmi týǵan jerinen ketýge májbúr bolǵan, alaida ondaǵan jyldar ótken soń Aýǵanstannan eline qaita oralǵan qandastarymyz jaily baiandaidy.
Filmge Dýlyǵa Aqmolda, Esim Segizbaev, Erjan Túsipov, Shynar Asqarova, Baian Qajnabieva syndy qazaqstandyq tanymal akterler túsken.
