Qazaq ádebietiniń kórnekti ókili Oralhan Bókeidiń «Kisi kiik» atty kitaby aǵylshyn tilinde jaryq kórdi. Jinaqtyń tusaýkeseri jaqyn kúnderi Londonda ótedi. Bul týraly QazAqparat jazdy.
Halyqaralyq Qazaq PEN klýbynyń prezidenti, belgili pýblitsist Bigeldi Ǵabdýllinniń bastamasymen sońǵy birneshe jylda «Biz - qazaqpyz...» atty joba bastalyp, joba aiasynda qazaq klassikteriniń týyndylaryn AQSh pen Ulybritaniiada aǵylshyn tilinde shyǵarý jumysy qolǵa alynǵan.
«Osy ýaqytqa deiin Qazaq PEN klýby demeýshilerdiń kómegimen aǵylshyn tiline Muqaǵali Maqataevtyń «Tańdamaly óleńderi», Berdibek Soqpaqbaevtyń «Meniń atym Qoja», Oljas Súleimenovtyń «Kod slova», Ábish Kekilbaevtyń «Ańyzdyń aqyry», Gerold Belger men Smaǵul Elýbaidyń kitaptaryn joǵaryda atalǵan elderde basyp shyǵarǵan. Jýyqta Almatydaǵy «Idan» baspasy qazaqtyń birtýar qalamgeri Oralhan Bókeidiń «Kisi kiik» kitabyn («The man-dear and other stories») aǵylshyn tiline aýdaryp basyp shyǵardy. Týyndyny belgili aǵylshyn aýdarmashysy Saimon Hollingsvort aýdardy», - deidi Bigeldi Ǵabdýllin.
Kitaptyń Qazaqstandaǵy tusaýkeseri Astana qalasyndaǵy Marriot qonaq úiinde 23 aqpan kúni saǵat 11:00 ýaqytynda ótedi.
PEN klýb aldaǵy ýaqytta qazaq qalamgerleriniń kitaptaryn aǵylshyn tiline aýdarýdy jalǵastyrmaq.
