قازاق ەدەبيەتٸنٸڭ كٶرنەكتٸ ٶكٸلٸ ورالحان بٶكەيدٸڭ «كٸسٸ كيٸك» اتتى كٸتابى اعىلشىن تٸلٸندە جارىق كٶردٸ. جيناقتىڭ تۇساۋكەسەرٸ جاقىن كٷندەرٸ لوندوندا ٶتەدٸ. بۇل تۋرالى قازاقپارات جازدى.
حالىقارالىق قازاق پەن كلۋبىنىڭ پرەزيدەنتٸ, بەلگٸلٸ پۋبليتسيست بيگەلدٸ عابدۋلليننٸڭ باستاماسىمەن سوڭعى بٸرنەشە جىلدا «بٸز - قازاقپىز...» اتتى جوبا باستالىپ, جوبا اياسىندا قازاق كلاسسيكتەرٸنٸڭ تۋىندىلارىن اقش پەن ۇلىبريتانييادا اعىلشىن تٸلٸندە شىعارۋ جۇمىسى قولعا الىنعان.
«وسى ۋاقىتقا دەيٸن قازاق پەن كلۋبى دەمەۋشٸلەردٸڭ كٶمەگٸمەن اعىلشىن تٸلٸنە مۇقاعالي ماقاتاەۆتىڭ «تاڭدامالى ٶلەڭدەرٸ», بەردٸبەك سوقپاقباەۆتىڭ «مەنٸڭ اتىم قوجا», ولجاس سٷلەيمەنوۆتىڭ «كود سلوۆا», ەبٸش كەكٸلباەۆتىڭ «اڭىزدىڭ اقىرى», گەرولد بەلگەر مەن سماعۇل ەلۋبايدىڭ كٸتاپتارىن جوعارىدا اتالعان ەلدەردە باسىپ شىعارعان. جۋىقتا الماتىداعى «يدان» باسپاسى قازاقتىڭ بٸرتۋار قالامگەرٸ ورالحان بٶكەيدٸڭ «كٸسٸ كيٸك» كٸتابىن («The man-dear and other stories») اعىلشىن تٸلٸنە اۋدارىپ باسىپ شىعاردى. تۋىندىنى بەلگٸلٸ اعىلشىن اۋدارماشىسى سايمون حوللينگسۆورت اۋداردى», - دەيدٸ بيگەلدٸ عابدۋللين.
كٸتاپتىڭ قازاقستانداعى تۇساۋكەسەرٸ استانا قالاسىنداعى مارريوت قوناق ٷيٸندە 23 اقپان كٷنٸ ساعات 11:00 ۋاقىتىندا ٶتەدٸ.
پەن كلۋب الداعى ۋاقىتتا قازاق قالامگەرلەرٸنٸڭ كٸتاپتارىن اعىلشىن تٸلٸنە اۋدارۋدى جالعاستىرماق.
