Batys Qazaqstan oblystyq qazaq drama teatry, 22-28-qazan kúnderi Oral qalasynda Qazaqstan Respýblikasynyń táýelsizdiginiń 25 jyldyǵy aiasynda, aqyn, dramatýrg Iran Ǵaiyptyń shyǵarmalaryn nasihattaýǵa arnalǵan «Máńgilik eldiń altyn adamy» atty respýblikalyq teatr festivalin ótkizdi.
Atalǵan festivalge at artyp Shyǵys Qazaqstan oblysy atynan Semeidiń Abai atyndaǵy memlekettik qazaq mýzykalyq drama teatry qatysyp qaitty.
Festivalge qatysýǵa teatr ujymdarynyń sońǵy úsh jylda qoiylǵan, kórkemdik deńgeii joǵary Iran Ǵaiyptyń shyǵarmalaryn sahnalaý talaby qoiylǵan bolatyn. Osyǵan orai Abai teatrynyń ujymy, Iran Ǵaiyptyń týyndysy, Ersaiyn Tóleýbai rejisserlik etken «Adasqan baq qusy» spektaklin báigege qosty. Oral halqynyń qoshemeti men rizashylyǵyna bólendi. Spektakl joǵary deńgeide ótti.
Respýblikanyń ár jerinen kelgen teatr ujymdary, joǵary daiyndyqpen kelgenderin, kórkemdik deńgeileri de, ártisteri de talantty ekenin dáleldep jatty. Batysqa, kún shyqqan shyǵystan barǵan teatr tarlandary qur alaqan qalǵan joq.
QR mədeniet qairatkeri Baýryjan Halyquly Tólekov " Eń úzdik er adam" nominatsiiasyn, Qazaqstannyń mədeniet qairatkeri Baqyt Toiymbaeva "Mańgilik eldiń Altyn adamy" nominatsiiasyn jenip aldy!
Alysqa arnaiy barǵan eńbek aqtalyp, teatr ujymy tabyspen oraldy. Eldiń namysyn tý etken teatr ujymyn quttyqtaimyz!
Merei Qartov,
Ádebi bólimniń meńgerýshisi
