Oraldaǵy qonaqúiden er adamnyń máiiti tabyldy, - dep habarlaidy Polisia.kz.
16 qarasha saǵat tańǵy 8:10 shamasynda Abai aýdanynyń politsiiasyna qaladaǵy qonaqúilerdiń birinde er adam óli tabylǵany týraly habarlama túsken. Oqiǵa ornyna jedel-tergeý toby baryp, 35 jastaǵy azamattyń máiitin anyqtaǵan.
"Bólmede jábirlenýshiden bólek 28 jastaǵy áiel de boldy jáne ol osy aýyr qylmysqa qatysy bar ekenin moiyndady. Oqiǵa boiynsha tekserý amaldary júrgizilip, kúdikti moiyndaý aiǵaqtaryn berdi.
Derek boiynsha QR QK-niń 99-baby 1-bóligi ("Adam óltirý") boiynsha sotaldy tergeý amaldary bastaldy", - delingen habarlamada.
Kúdikti Oral qalasy PB ýaqytsha ustaý izoliatoryna qamaýǵa alynǵan. Qazirgi ýaqytta materialdy tolyq jinaýǵa baǵyttalǵan jedel-tergeý sharalary júrgizilip jatyr. Is boiynsha sot saraptamalary kesheniniń nátijelerine sáikes, zańdy protsestik sheshim qabyldanady.
"QR QK-niń 99-baby 1-bóliginiń sanktsiiasyna sáikes, adam óltirý, iaǵni basqa adamǵa zańsyz qasaqana ólim keltirý – segiz jyldan on bes jylǵa deiin bas bostandyǵynan aiyrýǵa jazalanady", - delingen habarlamada.
