Oraldaǵy orta mektepterde oqityn tórt oqýshynyń ata-anasy qyzdarynyń bilim mekemesine oramal taǵyp barý quqyǵy úshin sotta kúresip jatyr, - dep jazady centralasian.org. Bul týraly ata-analardyń múddelerin qorǵaýshy Arman Ábdiráshit habarlady.
Zańgerdiń aitýynsha, ata-analar mektepterdiń ishki tártibi men Bilim jáne ǵylym ministriniń 2016 jyly 14 qańtardaǵy jarlyǵynyń zańdylyǵyn sot arqyly tekserýdi kózdep otyr. Ministr jarlyǵynda "túrli konfessiialardyń dini kiim elementterin mektep formasyna qosýǵa bolmaityny" aitylǵan.
Ábdirashit bul jarlyq Qazaqstan Konstitýtsiiasynyń "memlekettik bilim mekemelerinde tegin bilim alý quqyǵyna" qaishy ekenin aitty. Zańger "oqýshylar hidjab emes, qazaqtyń ulttyq kiimi - aq tústi kimeshek kiedi" deidi.
Shaǵymdanýshylardyń biri Áset Sultanulynyń aitýynsha, Oraldaǵy №7 orta mektep basshylyǵy qazannyń ortasynda birinshi synyptaǵy qyzyna bas kiimmen sabaqqa kelýge tyiym salǵan. Qazir onyń qyzy mektepke barmaidy.
Atalǵan mektep direktory Viktor Protasov buǵan qatysty pikir bildirýden bas tartty.
