Foto: "MOI Gorod"
Oralda Mamandandyrylǵan aýdanaralyq qylmystyq sotta kásipker Erkin Muhanǵalievtiń ólimine qatysty sot otyrysy ótip jatyr, - dep habarlaidy Massaget.kz portaly "MOI Gorod" basylymyna silteme jasap.
Aita keteiik, byltyr tamyzda Oralda jantúrshigerlik adam ólimi bolǵan edi. Oqiǵa "Rahat-Lýkým" jáne "Giýlchatai" meiramhanasynyń iesine qatysty. Kúdiktiler Rýslan Qojataev pen Turlan Amangeldi kásipkerdi birneshe jerinen pyshaqtap ketken.
10 naýryzda sot basty aiyptalýshy Rýslan Qojantaevtan jaýap aldy. Eń aldymen, aiyptalýshy marqumnyń týystaryna kóńil aityp, jasaǵan isine ókinetinin aitty. Aiyptalýshy Rýslan Qojantaevtyń sózinshe, ol Erkin Muhanǵalievpen 2019 jyly káýáp pisirýshi bolyp jumysqa ornalasqan kezde tanysqan. Bastapqyda olar jaqsy aralasqan eken, meiramhana iesi Qojantaevty jumysyn jaqsy istegeni úshin maqtap ta júrgen.
"Keiinnen ol qyzmetkerlerine basqasha qarap, renjitip, qorlap, mazaq etip júrgenin baiqai bastadym. Tipti bir ret eskertý jasadym, biraq ol aralaspaýymdy surap, basshy retinde ózin qalai ustaý keregin biletinin aitty. Daiashy qyzdar jylap ta qalatyn, sebebi Muhanǵaliev olarǵa "siyr", "topas" dep aitatyn. Ydys jýǵandary úshin aqysynyń jartysyn alyp qalatyn. Birde daiashy qyz 5 myń teńge avans berýin suraǵan kezde ol aqshany kilemsheniń astyna qoiyp, "Meniń qolymdy súi, men - sultanmyn" dedi. Túsinesiz be, eger ol jaqsy adam bolsa artynan jaqsy sózder aitylar edi. Odan bólek, ol qyzdarǵa intim áreketter usynyp, tipti bir qyzdy tańǵy beske deiin ustap qalǵan. Ol jumystan shyǵyp ketti, jalaqysyn suraǵan da joq. Men túrli jerde 10 jyldai jumys istep, qyzmetkerlerge degen mundai qarym-qatynasty birinshi ret kórýim. Muhanǵaliev basshy ekenin paidalanyp, qyzmetkerlerdi mazaq etetin", - deidi kúdikti Rýslan Qojantaev.
Kúdiktiniń sózinshe, onyń jalaqysy ózge qyzmetkerlerge qaraǵanda kóbirek bolǵan. Alaida meiramhana iesi Qojantaev jumysqa keshikken jaǵdaida onyń da jalaqysyn ustap otyrǵan eken.
"Men óz isimniń mamany edim. Káýáptaryma degen suranys jaqsy bolatyn. Eger olai bolmasa meni jumysta qaldyryp, aqsha tólemes edi. Muhanǵaliev te, áieli de kedei siiaqty júretin, únemi nesie, salyq tóleý keregin aityp júretin. Sosyn men jumystan shyǵyp, jetkizý qyzmeti boiynsha jumys istep, jeke meiramhana ashqym kelgen, ol úshin arnaiy oryn kerek boldy. Muhanǵaliev maǵan onyń káýáp pisiretin mamandaryn basqarýdy usyndy. Meniń mindetim etti daiyndap, protsesti baqylap, káýáp pisirýdi úiretý boldy. Ol kezde basqa jerde jumys istep, keshke kelip turatynmyn. Muhanǵalievtiń usynysyn qabyldaýdy jón kórdim", - deidi aiyptalýshy.
Rýslan Qojantaevtyń sózinshe, qaiǵyly oqiǵa bolǵan kúni ol Muhanǵalievti óltirýdi josparlamaǵan. Al ekinshi kúdikti Turlan Amangeldi sol kúni kezdeisoq bolǵan. Qojantaev Amangeldini kásipkerdiń meiramhanasyna jumysqa ornalastyrǵysy kelgen. Muhanǵaliev "Rahat-Lýkým" meiramhanasyna 19.00 shamasynda kelgen.
"Eger rasynda, óltirgim kelgen bolsa kameralar turǵan adam kóp jerde emes, eshkimge baiqatpai, kúndiz emes, túnde ister edim. Qyzdyń aryn taptaý - men úshin eń soraqy nárse. Eshkimdi renjitpei ómirimdi súrip júrgenmin. Sol jaǵdaiǵa jetkizdi, túrli sózder aitty, sóitip qolyma pyshaq aldym. Bastapqyda Muhanǵaliev jumysqa alýdan bas tartty. Turlan qasymda tek tyńdap otyrdy. Men keter kezde: "Erkin, sen erkek emessiń be. Sen qalai ómir súresiń? Men Islam zańy boiynsha ómir súremin, eshqashan zań buzǵan emespin. Al sen she? Saǵan qyzdarǵa qorlyq kórsetýge kim ruqsat berdi?", - dedim. Ol kúlip: "Ne aityp otyrsyń? Kimniń aldynda turǵanyńdy bilesiń be óziń? Óz ornyńdy bilip júr. Maǵan talap qoiatyn adam áli týǵan joq. Eger úiińniń kúli kókke ushqanyn qalamasań ket", - dep aitty", - deidi kúdikti Qojantaev.
Osydan keiin kúdikti ne bolǵany esinde joǵyn aitady. Tipti qolyna qalai pyshaq alǵanyn, kóshede ondaǵan adamnyń kózinshe kásipkerdi qalai pyshaqtap tastaǵanyn bilmeitinin aitqan.
"Meniń otbasym arqyly qoqan-loqy kórsetti. Men er adam retinde jaqyndarymdy qorǵaýym kerek. Óz-ózimdi ustai almadym, Turlan meni toqtatýǵa tyrysty. Birinshi ret pyshaq suǵyp alǵanym esimde, Muhanǵaliev tereze arqyly qashyp ketti, men artynan júgirdim. Ol kóshede shalynyp, qulap tústi. Ary qarai esimde joq. Turlan maǵan pyshaq bermei qoidy. Men ózim pyshaǵymdy izdei bastadym. Ol Muhanǵalievtiń arqasyna suǵylyp qalǵan eken. Turlannyń barsetkasynan pyshaqty julyp alyp taǵy 2-3 ret pyshaq suǵyp aldym", - deidi aiyptalýshy.
Qojantaevtyń sózinshe, ol Turlan Amangeldimen qylmys týraly aldyn ala kelispegen. Ol jerde bári kezdeisoq bolǵan eken. Jábirlenýshilerdiń advokatynyń sózinshe, kúdikti qylmys jasaǵannan keiin pyshaq pen telefonynyń kózin qurtqan. Sonymen qatar, aiyptalýshy Amangeldi ekeýi aldyn ala pyshaq satyp alǵan degen aqparatty joqqa shyǵardy.
Eske salaiyq, buǵan deiin taǵy birneshe kýáger qandy qylmysqa qatysty tyń derekter aitqan bolatyn.
