فوتو: "موي گورود"
ورالدا مامانداندىرىلعان اۋدانارالىق قىلمىستىق سوتتا كەسٸپكەر ەركٸن مۇحانعاليەۆتٸڭ ٶلٸمٸنە قاتىستى سوت وتىرىسى ٶتٸپ جاتىر, - دەپ حابارلايدى Massaget.kz پورتالى "موي گورود" باسىلىمىنا سٸلتەمە جاساپ.
ايتا كەتەيٸك, بىلتىر تامىزدا ورالدا جانتٷرشٸگەرلٸك ادام ٶلٸمٸ بولعان ەدٸ. وقيعا "راحات-لۋكۋم" جەنە "گيۋلچاتاي" مەيرامحاناسىنىڭ يەسٸنە قاتىستى. كٷدٸكتٸلەر رۋسلان قوجاتاەۆ پەن تۇرلان امانگەلدٸ كەسٸپكەردٸ بٸرنەشە جەرٸنەن پىشاقتاپ كەتكەن.
10 ناۋرىزدا سوت باستى ايىپتالۋشى رۋسلان قوجانتاەۆتان جاۋاپ الدى. ەڭ الدىمەن, ايىپتالۋشى مارقۇمنىڭ تۋىستارىنا كٶڭٸل ايتىپ, جاساعان ٸسٸنە ٶكٸنەتٸنٸن ايتتى. ايىپتالۋشى رۋسلان قوجانتاەۆتىڭ سٶزٸنشە, ول ەركٸن مۇحانعاليەۆپەن 2019 جىلى كەۋەپ پٸسٸرۋشٸ بولىپ جۇمىسقا ورنالاسقان كەزدە تانىسقان. باستاپقىدا ولار جاقسى ارالاسقان ەكەن, مەيرامحانا يەسٸ قوجانتاەۆتى جۇمىسىن جاقسى ٸستەگەنٸ ٷشٸن ماقتاپ تا جٷرگەن.
"كەيٸننەن ول قىزمەتكەرلەرٸنە باسقاشا قاراپ, رەنجٸتٸپ, قورلاپ, مازاق ەتٸپ جٷرگەنٸن بايقاي باستادىم. تٸپتٸ بٸر رەت ەسكەرتۋ جاسادىم, بٸراق ول ارالاسپاۋىمدى سۇراپ, باسشى رەتٸندە ٶزٸن قالاي ۇستاۋ كەرەگٸن بٸلەتٸنٸن ايتتى. داياشى قىزدار جىلاپ تا قالاتىن, سەبەبٸ مۇحانعاليەۆ ولارعا "سيىر", "توپاس" دەپ ايتاتىن. ىدىس جۋعاندارى ٷشٸن اقىسىنىڭ جارتىسىن الىپ قالاتىن. بٸردە داياشى قىز 5 مىڭ تەڭگە اۆانس بەرۋٸن سۇراعان كەزدە ول اقشانى كٸلەمشەنٸڭ استىنا قويىپ, "مەنٸڭ قولىمدى سٷي, مەن - سۇلتانمىن" دەدٸ. تٷسٸنەسٸز بە, ەگەر ول جاقسى ادام بولسا ارتىنان جاقسى سٶزدەر ايتىلار ەدٸ. ودان بٶلەك, ول قىزدارعا ينتيم ەرەكەتتەر ۇسىنىپ, تٸپتٸ بٸر قىزدى تاڭعى بەسكە دەيٸن ۇستاپ قالعان. ول جۇمىستان شىعىپ كەتتٸ, جالاقىسىن سۇراعان دا جوق. مەن تٷرلٸ جەردە 10 جىلداي جۇمىس ٸستەپ, قىزمەتكەرلەرگە دەگەن مۇنداي قارىم-قاتىناستى بٸرٸنشٸ رەت كٶرۋٸم. مۇحانعاليەۆ باسشى ەكەنٸن پايدالانىپ, قىزمەتكەرلەردٸ مازاق ەتەتٸن", - دەيدٸ كٷدٸكتٸ رۋسلان قوجانتاەۆ.
كٷدٸكتٸنٸڭ سٶزٸنشە, ونىڭ جالاقىسى ٶزگە قىزمەتكەرلەرگە قاراعاندا كٶبٸرەك بولعان. الايدا مەيرامحانا يەسٸ قوجانتاەۆ جۇمىسقا كەشٸككەن جاعدايدا ونىڭ دا جالاقىسىن ۇستاپ وتىرعان ەكەن.
"مەن ٶز ٸسٸمنٸڭ مامانى ەدٸم. كەۋەپتارىما دەگەن سۇرانىس جاقسى بولاتىن. ەگەر ولاي بولماسا مەنٸ جۇمىستا قالدىرىپ, اقشا تٶلەمەس ەدٸ. مۇحانعاليەۆ تە, ەيەلٸ دە كەدەي سيياقتى جٷرەتٸن, ٷنەمٸ نەسيە, سالىق تٶلەۋ كەرەگٸن ايتىپ جٷرەتٸن. سوسىن مەن جۇمىستان شىعىپ, جەتكٸزۋ قىزمەتٸ بويىنشا جۇمىس ٸستەپ, جەكە مەيرامحانا اشقىم كەلگەن, ول ٷشٸن ارنايى ورىن كەرەك بولدى. مۇحانعاليەۆ ماعان ونىڭ كەۋەپ پٸسٸرەتٸن ماماندارىن باسقارۋدى ۇسىندى. مەنٸڭ مٸندەتٸم ەتتٸ دايىنداپ, پروتسەستٸ باقىلاپ, كەۋەپ پٸسٸرۋدٸ ٷيرەتۋ بولدى. ول كەزدە باسقا جەردە جۇمىس ٸستەپ, كەشكە كەلٸپ تۇراتىنمىن. مۇحانعاليەۆتٸڭ ۇسىنىسىن قابىلداۋدى جٶن كٶردٸم", - دەيدٸ ايىپتالۋشى.
رۋسلان قوجانتاەۆتىڭ سٶزٸنشە, قايعىلى وقيعا بولعان كٷنٸ ول مۇحانعاليەۆتٸ ٶلتٸرۋدٸ جوسپارلاماعان. ال ەكٸنشٸ كٷدٸكتٸ تۇرلان امانگەلدٸ سول كٷنٸ كەزدەيسوق بولعان. قوجانتاەۆ امانگەلدٸنٸ كەسٸپكەردٸڭ مەيرامحاناسىنا جۇمىسقا ورنالاستىرعىسى كەلگەن. مۇحانعاليەۆ "راحات-لۋكۋم" مەيرامحاناسىنا 19.00 شاماسىندا كەلگەن.
"ەگەر راسىندا, ٶلتٸرگٸم كەلگەن بولسا كامەرالار تۇرعان ادام كٶپ جەردە ەمەس, ەشكٸمگە بايقاتپاي, كٷندٸز ەمەس, تٷندە ٸستەر ەدٸم. قىزدىڭ ارىن تاپتاۋ - مەن ٷشٸن ەڭ سوراقى نەرسە. ەشكٸمدٸ رەنجٸتپەي ٶمٸرٸمدٸ سٷرٸپ جٷرگەنمٸن. سول جاعدايعا جەتكٸزدٸ, تٷرلٸ سٶزدەر ايتتى, سٶيتٸپ قولىما پىشاق الدىم. باستاپقىدا مۇحانعاليەۆ جۇمىسقا الۋدان باس تارتتى. تۇرلان قاسىمدا تەك تىڭداپ وتىردى. مەن كەتەر كەزدە: "ەركٸن, سەن ەركەك ەمەسسٸڭ بە. سەن قالاي ٶمٸر سٷرەسٸڭ? مەن يسلام زاڭى بويىنشا ٶمٸر سٷرەمٸن, ەشقاشان زاڭ بۇزعان ەمەسپٸن. ال سەن شە? ساعان قىزدارعا قورلىق كٶرسەتۋگە كٸم رۇقسات بەردٸ?", - دەدٸم. ول كٷلٸپ: "نە ايتىپ وتىرسىڭ? كٸمنٸڭ الدىندا تۇرعانىڭدى بٸلەسٸڭ بە ٶزٸڭ? ٶز ورنىڭدى بٸلٸپ جٷر. ماعان تالاپ قوياتىن ادام ەلٸ تۋعان جوق. ەگەر ٷيٸڭنٸڭ كٷلٸ كٶككە ۇشقانىن قالاماساڭ كەت", - دەپ ايتتى", - دەيدٸ كٷدٸكتٸ قوجانتاەۆ.
وسىدان كەيٸن كٷدٸكتٸ نە بولعانى ەسٸندە جوعىن ايتادى. تٸپتٸ قولىنا قالاي پىشاق العانىن, كٶشەدە ونداعان ادامنىڭ كٶزٸنشە كەسٸپكەردٸ قالاي پىشاقتاپ تاستاعانىن بٸلمەيتٸنٸن ايتقان.
"مەنٸڭ وتباسىم ارقىلى قوقان-لوقى كٶرسەتتٸ. مەن ەر ادام رەتٸندە جاقىندارىمدى قورعاۋىم كەرەك. ٶز-ٶزٸمدٸ ۇستاي المادىم, تۇرلان مەنٸ توقتاتۋعا تىرىستى. بٸرٸنشٸ رەت پىشاق سۇعىپ العانىم ەسٸمدە, مۇحانعاليەۆ تەرەزە ارقىلى قاشىپ كەتتٸ, مەن ارتىنان جٷگٸردٸم. ول كٶشەدە شالىنىپ, قۇلاپ تٷستٸ. ارى قاراي ەسٸمدە جوق. تۇرلان ماعان پىشاق بەرمەي قويدى. مەن ٶزٸم پىشاعىمدى ٸزدەي باستادىم. ول مۇحانعاليەۆتٸڭ ارقاسىنا سۇعىلىپ قالعان ەكەن. تۇرلاننىڭ بارسەتكاسىنان پىشاقتى جۇلىپ الىپ تاعى 2-3 رەت پىشاق سۇعىپ الدىم", - دەيدٸ ايىپتالۋشى.
قوجانتاەۆتىڭ سٶزٸنشە, ول تۇرلان امانگەلدٸمەن قىلمىس تۋرالى الدىن الا كەلٸسپەگەن. ول جەردە بەرٸ كەزدەيسوق بولعان ەكەن. جەبٸرلەنۋشٸلەردٸڭ ادۆوكاتىنىڭ سٶزٸنشە, كٷدٸكتٸ قىلمىس جاساعاننان كەيٸن پىشاق پەن تەلەفونىنىڭ كٶزٸن قۇرتقان. سونىمەن قاتار, ايىپتالۋشى امانگەلدٸ ەكەۋٸ الدىن الا پىشاق ساتىپ العان دەگەن اقپاراتتى جوققا شىعاردى.
ەسكە سالايىق, بۇعان دەيٸن تاعى بٸرنەشە كۋەگەر قاندى قىلمىسقا قاتىستى تىڭ دەرەكتەر ايتقان بولاتىن.
