Oral arnaýly áleýmettik qyzmet kórsetý ortalyǵynda (qarttar men múgedekter úiinde) er adam pyshaq jaraqatynan kóz jumdy, dep habarlaidy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Ainagúl Saqposynovanyń aitýynsha, oqiǵa búgin tús mezgilinde oryn aldy.
Jedel járdemge shaqyrtý saǵat 13.42-de túsip, brigada 13.47-de jetken.
Keýde tusynan pyshaq jaraqatyn alǵan 1957 jylǵy er adam jedel járdem kelgenge deiin qaitys bolǵan.
BQO ishki ister departamentiniń baspasóz qyzmeti bolǵan oqiǵany rastap, naqty málimettiń keiin beriletinin jetkizdi.
Sonda turatyn er adam ekinshisin pyshaqtap tastaǵan.
Qazirgi kezde oqiǵa ornynda tergeý toby jumys jasaýda. Politsiia qyzmetkerleriniń sózine qaraǵanda, 1947 jylǵy Qanat Qojbanov pen 1957 jylǵy Jomart Óteǵaliev bir bólmede turǵan. Bir-birimen sózge kelip, Qanat ekinshisin ishinen pyshaqtap tastaǵan.
