Oralda «GAZel» avtokóligi blokpostta toqtamai, politsiia qyzmetkeri zardap shekti, - dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, oqiǵa 6 mamyr kúni saǵat 14.00-de Jelaev kentindegi №9 blokpostta boldy.
Báiterek aýdany Trekin aýylynda turatyn 1986 jylǵy júrgizýshi blokposttyń shlagbaýmynan óter kezde politsiia kishi leitenanty Aqjol Izbasarovtyń toqtaý jónindegi zańdy talabyna baǵynbaǵan.
Sonyń saldarynan politsiia qyzmetkeriniń sol jaq tabanyn basyp ketken.
Sodan keiin oblystyq aýrýhananyń jaraqat pýnktine jetkizilgen A.Izbasarovqa sol jaq tabany kógergen degen diagnoz qoiylyp, dáriger qaraǵannan keiin úiine jiberildi.
«Júrgizýshige qatysty QR Ákimshilik quqyqbuzýshylyq kodeksiniń 610-babyna (júrgizýshiniń adamdardyń densaýlyǵyna ziian keltirýge, kólik quraldarynyń nemese ózge de múliktiń búlinýine ákep soqqan jol júrisi qaǵidalaryn buzýy) sáikes ákimshilik hattama toltyryldy. Meditsinalyq kýálandyrýǵa sáikes júrgizýshi aiyq bolǵan», dedi QazAqparat tilshisine B.Bolatbekov.
Aita keteiik, 23 jastaǵy A.Izbasarov ishki ister salasynda 2018 jyldan beri qyzmet atqaryp keledi.
