Foto: Pixabay.com
BQO politsiia departamentiniń baspasóz qyzmetinen málim etkenindei, oqiǵa 21 sáýir kúni keshkisin Zachagan kentindegi E.Brýsilovskii kóshesi boiynda «Súiinish» dúkeni mańynda boldy.
«KamAZ» júk kóligi belgilenbegen jerden joldan júgirip ótip bara jatqan 5 jasar ul balany qaǵyp ketken.
— Jol apaty saldarynan bala kóptegen jaraqatpen oblystyq kópbeiindi balalar aýrýhanasyna jetkizildi. Qazirgi kezde oqiǵanyń mán-jaiy anyqtalýda, - dep habarlady vedomstvodan.
BQO densaýlyq saqtaý basqarmasy baspasóz qyzmetiniń naqtylaýynsha, biyl jazda alty jasqa tolatyn balanyń jaǵdaiy aýyr. Kúni búgin jansaqtaý bóliminde em alyp jatyr.
