Oralda jol apatynan 10 jasar bala qaza tapty, dep habarlaidy "Ult aqparat".
BQO Politsiia departamentiniń resmi ókili Bolatbek Belgibekovtiń málim etkenindei, oqiǵa 17 qarasha kúni saǵat 09.10 shamasynda Moskovskaia kóshesinde boldy.
22 jastaǵy júrgizýshi qyz avtokóligimen 10 jasar balany qaǵyp ketken. Bala aýyr halde qalalyq kópbeiindi aýrýhanaǵa jetkizilgenimen, jansaqtaý bóliminde kóz jumdy.
Qazirgi kezde QR QK 345-baby 3-bóligine sáikes sotqa deiingi tergeý amaldary júrgizilýde.
«Barlyq ata-analardyń balalaryna jol erejesin saqtaýdy eskertip otyrýy mańyzdy. Sondai-aq júrgizýshiler de muqiiat bolýy qajet. Qaiǵyly oqiǵaǵa orai politsiia departamenti balanyń ata-anasy, jaqyndaryna kóńil aitady», dedi B.Belgibekov.
