Batys Qazaqstan oblysynda Qazaqstannyń halyq jazýshylary, aqyndar, Memlekettik syilyqtyń laýreattary Juban Moldaǵaliev pen Qadyr Myrza Álige arnalǵan mereitoilyq sharalar bolmaqshy, dep habarlaidy "Ult aqparat".
BQO mádeniet basqarmasy málim etkenindei, Jubannyń 100 jyldyǵy men Qadyrdyń 85 jyldyǵy óńirde 25-27 qyrkúiek kúnderi atalyp ótiledi.
Alǵashqy kúni Aqjaiyq aýdany ortalyǵy Chapaev aýylynda Juban ortalyǵy ashylady.
Oral qalasynda ótetin «Jaiyqtyń qos qyrany» respýblikalyq aitysy eki kúnge sozylmaqshy.
Oralda Juban eskertkishi, sondai-aq Abai dańǵyly ashylady.
Qadyr Myrza Áli eskertkishine gúl shoqtary qoiylyp, aqyn atyndaǵy oblystyq mádeniet jáne óner ortalyǵynda «Qazaqtyń qadyry» oblystyq jyr músháirasynyń jeńimpaz-júldegerleri marapattalady.
J.Moldaǵaliev atyndaǵy oblystyq ǵylymi ámbebap kitaphanasynda «Juban jyrlary – ǵasyr úni» atty halyqaralyq ǵylymi-praktikalyq konferentsiia ótedi.
H.Bókeeva atyndaǵy oblystyq qazaq drama teatrynda «Juban» entsiklopediiasynyń tusaýy kesilip, «Qiial qanaty», «Juban oqýlary» baiqaýlarynyń jeńimpazdaryna qurmet kórsetiledi.
Teatrda «Juban» spektakliniń premerasy qoiylady.
