Foto: video skrinshot
Oral qalasynda bir top er adam jappai tóbeles shyǵardy, dep habarlaidy «Ult aqparat» «Moi gorod» portalyna silteme jasap.
Oqiǵanyń beinejazbasynda eki jigittiń kópshilikten qashyp bara jatqanyn, qalǵandary olardyń artynan júgirip bara jatqanyn kórýge bolady. Odan keiin olardy qýyp jetkenderdiń biri boljammen pnevmatikalyq myltyqty alyp, qarsylasyn eki ret atady. Bir top adam jerge qulaǵan adamdy uryp-soǵady. Birneshe soqqydan keiin er adam ornynan turyp, qashyp ketedi.
Batys Qazaqstan oblystyq politsiia departamentiniń baspasóz qyzmetiniń dereginshe, oqiǵa qaladaǵy túngi klýbtardyń birinde bolǵan.
"Tańǵy saǵat 5-te túngi klýbqa er adam barǵan, ol mas ári agressivti kúide bolǵandyqtan, kúzetshi ony ishke kirgizbedi. Keiin er adam mekemege kelgen basqa adamǵa jáne kúzetshige pyshaq suǵady. Túngi klýbtaǵy adamdar men kúzet qyzmeti qolynda pyshaǵy bar er adamdy janarmai quiý beketinde ustady, ony politseiler kelgenge deiin uryp-soqqan. Oǵan qatysty densaýlyǵyna qasaqana aýyr ziian keltirý jáne buzaqylyq faktileri boiynsha sotqa deiingi tergeý bastaldy, kúdikti ustaldy jáne ýaqytsha ustaý izoliatoryna qamaldy", - delingen habarlamada.
Mekeme kúzetshilerine qatysty buzaqylyq deregi boiynsha sotqa deiingi tergeý bastalǵan. Olardyń biri ýaqytsha ustaý izoliatoryna qamaldy.
Qazir oqiǵanyń barlyq qatysýshysy anyqtalyp, ustaldy. Tergeý áreketteri júrgizilip jatyr.
