فوتو: ۆيدەو سكرينشوت
ورال قالاسىندا بٸر توپ ەر ادام جاپپاي تٶبەلەس شىعاردى, دەپ حابارلايدى «ۇلت اقپارات» «موي گورود» پورتالىنا سٸلتەمە جاساپ.
وقيعانىڭ بەينەجازباسىندا ەكٸ جٸگٸتتٸڭ كٶپشٸلٸكتەن قاشىپ بارا جاتقانىن, قالعاندارى ولاردىڭ ارتىنان جٷگٸرٸپ بارا جاتقانىن كٶرۋگە بولادى. ودان كەيٸن ولاردى قۋىپ جەتكەندەردٸڭ بٸرٸ بولجاممەن پنەۆماتيكالىق مىلتىقتى الىپ, قارسىلاسىن ەكٸ رەت اتادى. بٸر توپ ادام جەرگە قۇلاعان ادامدى ۇرىپ-سوعادى. بٸرنەشە سوققىدان كەيٸن ەر ادام ورنىنان تۇرىپ, قاشىپ كەتەدٸ.
باتىس قازاقستان وبلىستىق پوليتسييا دەپارتامەنتٸنٸڭ باسپاسٶز قىزمەتٸنٸڭ دەرەگٸنشە, وقيعا قالاداعى تٷنگٸ كلۋبتاردىڭ بٸرٸندە بولعان.
"تاڭعى ساعات 5-تە تٷنگٸ كلۋبقا ەر ادام بارعان, ول ماس ەرٸ اگرەسسيۆتٸ كٷيدە بولعاندىقتان, كٷزەتشٸ ونى ٸشكە كٸرگٸزبەدٸ. كەيٸن ەر ادام مەكەمەگە كەلگەن باسقا ادامعا جەنە كٷزەتشٸگە پىشاق سۇعادى. تٷنگٸ كلۋبتاعى ادامدار مەن كٷزەت قىزمەتٸ قولىندا پىشاعى بار ەر ادامدى جانارماي قۇيۋ بەكەتٸندە ۇستادى, ونى پوليتسەيلەر كەلگەنگە دەيٸن ۇرىپ-سوققان. وعان قاتىستى دەنساۋلىعىنا قاساقانا اۋىر زييان كەلتٸرۋ جەنە بۇزاقىلىق فاكتٸلەرٸ بويىنشا سوتقا دەيٸنگٸ تەرگەۋ باستالدى, كٷدٸكتٸ ۇستالدى جەنە ۋاقىتشا ۇستاۋ يزولياتورىنا قامالدى", - دەلٸنگەن حابارلامادا.
مەكەمە كٷزەتشٸلەرٸنە قاتىستى بۇزاقىلىق دەرەگٸ بويىنشا سوتقا دەيٸنگٸ تەرگەۋ باستالعان. ولاردىڭ بٸرٸ ۋاقىتشا ۇستاۋ يزولياتورىنا قامالدى.
قازٸر وقيعانىڭ بارلىق قاتىسۋشىسى انىقتالىپ, ۇستالدى. تەرگەۋ ەرەكەتتەرٸ جٷرگٸزٸلٸپ جاتىر.
