Batys Qazaqstan oblysy Qazaqstan halqy assambleiasy jáne BQO ákimi apparatynyń «Qoǵamdyq kelisim» KMM uiymdastyrýymen Memleket basshysynyń «Bolashaqqa baǵdar: rýhani jańǵyrý» atty maqalasyna arnalǵan «Yrys aldy - yntymaq» jobasy aiasynda is - sharalar ótýde.
Oblystyq QHA aqsaqaldar keńesiniń músheleri mekemelerde, oqý oryndarynda kezdesýler ótkizýde. Bul basqosýlardyń maqsaty - jas mamandarǵa, stýdentter men jumysshy jastarǵa tálim-tárbie berý, Elbasy maqalasyndaǵy aitylǵan baǵyt – baǵdarlardy túsindirý. Aqsaqaldar Batys Qazaqstan elektr jelilerin taratý kesheninde jas mamandarmen, Terekti aýdanynda aýyl jastarymen, Qadyr Márza Áli atyndaǵy ortalyqta kezdesýler ótkizip, jastarǵa Elbasy aitqandai, elimiz myqty, ári jaýapkershiligi joǵary Birtutas Ult bolý úshin bolashaqqa qalai qadam basatynymyz jáne buqaralyq sanany qalai ózgertý kerektigine toqtap, jastardyń da oiyn tyńdap, óz ómirleri týraly da sóz qozǵap júr.
Búgingi kezdesýde aýditoriianyń kóbi shyǵarmashylyqpen ainalysyp júrgen jastar, jastardyń bul sanaty Elbasy maqalasymen tanys, óz pikiri bar. Jastar «Bilimniń saltanat qurýy, ulttyq kod, ulttyq mádeniet saqtalmasa, eshqandai jańǵyrý bolmaidy», degen Elbasynyń sózderimen tolyqtai kelisetinderi týraly aitty. Aqsaqaldar kenesiniń múshesi Feliks Baiýkanskii ǵumyryn Batys Qazaqstan oblysynyń mádeniet salasyna arnaǵan adam, sondyqtan aqsaqal bul salada áli qandai biiktikterge jetýge bolatyndyǵyna, álemge pash etýge turatyn qazaqtyń mýzykasy, ádebieti, sýret óneri, arhitektýra salalarynda keremet dúnielerdiń kóp ekenine toqtaldy.
BQO oblysynyń Aqjaiyq aýdanynda mádeniet basqarmasyn basqarǵan aqsaqal Qanat Orazǵalievtyń aitýy boiynsha, Prezidentimiz mádenietti ár qarai qalai damytý kerektigi týraly ár qadamymyzdy jazyp berip otyr. «Jahandaǵy zamanaýi qazaqstandyq mádeniet» jobasy jasalmaq. «Biylǵy jyl jer júzine mádeniet salasyndaǵy qai jetistikterimizdi kórsete alatynymyzdy aiqyndap alý turǵysynan sheshýshi jyl bolmaq, sodan soń biregei baǵdarlamany 5-7 jylda tyńǵylyqty júzege asyramyz degen.
Osylaisha, myń jyldyq tarihymyzda tól mádenietimiz tuńǵysh ret álemniń barlyq qurlyqtaryna jol tartyp, basty tilderinde sóileitin bolady. Álem bizdi qara altynmen nemese syrtqy saiasattaǵy iri bastamalarymyzben ǵana emes, mádeni jetistikterimizben de tanýy kerek» degen ár sózderi jastarǵa rýh berýge tiis, dedi mádeniet salasynda kóp jyl jumys atqarǵan aqsaqal.
.jpeg)