Oralda 1994 jylǵy eki azamatsha men 2014 jylǵy balany óltirgen kúdikti ustaldy, dep habarlaidy "Ult aqparat".
Oral qalalyq ishki ister basqarmasy bastyǵynyń birinshi orynbasary Nurlan Bisenovtiń aitýynsha, Syrym aýdanynyń 1993 jylǵy turǵyny keshe Bortaý (Melovye gorki) aýyly mańynda qolǵa túsip, ýaqytsha oqshaýlaý izoliatoryna qamaldy.
Óz kinásin moiyndaǵan kúdiktiniń sózine qaraǵanda, ol áýeli ózimen birge turǵysy kelmegen kelinshekti pyshaqtap óltirgen. Sosyn onyń 2014 jylǵy balasynyń, sodan keiin áieldiń qurbysynyń janyn qiǵan. Olardyń árqaisysysyna 18-den astam ret pyshaq jumsaǵan. Qandy oqiǵa 5 qyrkúiekke qaraǵan túni saǵat 02.00 men 04.00 arasynda bolǵan. Sodan keiin qylmystyń izin jasyrý piǵylymen úidi órtegen.
Atalǵan derek boiynsha QR QK 99-baby 2-bóligine sáikes (eki jáne odan kóp adamdy qasaqana óltirý) qylmystyq is qozǵalyp, tergeý amaldary júrgizilýde. Kúdikti bul bap boiynsha 15-ten 20 jylǵa deiin bas bostandyǵynan aiyrylýy múmkin.
Eske sala keteiik, keshe Zachagan kenti Iýjnaia kóshesi 11-mekenjaiyndaǵy ýaqytsha turǵyn úidegi órtten keiin úsh adamnyń múrdesi tabylǵan bolatyn.
