ورالدا 1994 جىلعى ەكٸ ازاماتشا مەن 2014 جىلعى بالانى ٶلتٸرگەن كٷدٸكتٸ ۇستالدى, دەپ حابارلايدى "ۇلت اقپارات".
ورال قالالىق ٸشكٸ ٸستەر باسقارماسى باستىعىنىڭ بٸرٸنشٸ ورىنباسارى نۇرلان بيسەنوۆتٸڭ ايتۋىنشا, سىرىم اۋدانىنىڭ 1993 جىلعى تۇرعىنى كەشە بورتاۋ (مەلوۆىە گوركي) اۋىلى ماڭىندا قولعا تٷسٸپ, ۋاقىتشا وقشاۋلاۋ يزولياتورىنا قامالدى.
ٶز كٸنەسٸن مويىنداعان كٷدٸكتٸنٸڭ سٶزٸنە قاراعاندا, ول ەۋەلٸ ٶزٸمەن بٸرگە تۇرعىسى كەلمەگەن كەلٸنشەكتٸ پىشاقتاپ ٶلتٸرگەن. سوسىن ونىڭ 2014 جىلعى بالاسىنىڭ, سودان كەيٸن ەيەلدٸڭ قۇربىسىنىڭ جانىن قيعان. ولاردىڭ ەرقايسىسىسىنا 18-دەن استام رەت پىشاق جۇمساعان. قاندى وقيعا 5 قىركٷيەككە قاراعان تٷنٸ ساعات 02.00 مەن 04.00 اراسىندا بولعان. سودان كەيٸن قىلمىستىڭ ٸزٸن جاسىرۋ پيعىلىمەن ٷيدٸ ٶرتەگەن.
اتالعان دەرەك بويىنشا قر قك 99-بابى 2-بٶلٸگٸنە سەيكەس (ەكٸ جەنە ودان كٶپ ادامدى قاساقانا ٶلتٸرۋ) قىلمىستىق ٸس قوزعالىپ, تەرگەۋ امالدارى جٷرگٸزٸلۋدە. كٷدٸكتٸ بۇل باپ بويىنشا 15-تەن 20 جىلعا دەيٸن باس بوستاندىعىنان ايىرىلۋى مٷمكٸن.
ەسكە سالا كەتەيٸك, كەشە زاچاگان كەنتٸ يۋجنايا كٶشەسٸ 11-مەكەنجايىنداعى ۋاقىتشا تۇرعىن ٷيدەگٸ ٶرتتەن كەيٸن ٷش ادامنىڭ مٷردەسٸ تابىلعان بولاتىن.
