Oralda Ulttyq ulan jaýyngerleri erlikpen qaza tapqan kishi serjan Berikjan Qalievtiń otbasyna qurmet kórsetti, dep habarlaidy "Ult aqparat".
QR Ulttyq ulany «Batys» óńirlik qolbasshylyǵy baspasóz qyzmetiniń bastyǵy, podpolkovnik Erbolat Sultanovtyń málim etkenindei, 2016 jyly 5 maýsymda Aqtóbedegi lańkestik shabýyl kezinde qaza tapqan Berikjan Qalievtiń otbasyna ulandyqtar arnaiy bardy.
Aiaz ata men Aqshaqardyń kiimderin kigen áskeriler Berikjannyń balalarymen kezdesip, olardyń án-óleńderin tyńdap, táttilerin úlestirdi.
Sodan keiin 5517-áskeri bólim komandiriniń tárbie jáne áleýmettik-quqyqtyq jumystar jónindegi orynbasary, podpolkovnik Jánibek Sársenov B.Qalievtiń zaiyby Nursulý Qalievany Jańa jyl merekesimen quttyqtap, azyq-túlik sebetin tabys etti.
«Biz qai ýaqytta da qyzmet babynda qaza tapqan batyr áriptesterimizdi umytpaimyz. Olardyń erlikterin keiingi urpaq úshin úlgi etemiz», - dedi J.Sársenov.
-Men kútken joq edim, quttyqtaýlaryńyz úshin rahmet.Jarymdy eske alyp, altyn ýaqyttaryńyzdy bólip, kelgenderińiz úshin myń alǵys, - dedi N.Qalieva.
Ulttyq ulan jaýyngerleri sondai-aq kóp balaly jáne múmkindigi shekteýli balalardy tárbielep otyrǵan otbasylardy da nazardan tys qaldyrmai, aralap, azyq-túlik jáne kúndelikti qajetti zattardy aparyp berdi.
Eske sala keteiik, Aqtóbedegi lańkestik shabýyl kezinde 6655-áskeri bóliminiń úsh birdei áskeri qyzmetshisi, maior Daniel Mailybaev, kishi serjant Berikjan Qaliev jáne qatardaǵy jaýynger Dosbol Sapar qaza tapqan bolatyn.
Keiin olar Prezident Jarlyǵymen ekinshi jáne úshinshi dárejeli «Aibyn» ordenimen marapattalǵan edi.
B.Qaliev Jánibek aýdany Jaqsybai aýylynda jerlenip, eskertkish taqta ornatyldy. Zaiyby Nursulý men tórt balasyna Oral qalasynan úsh bólmeli páter berildi.
