Foto: QR Ulttyq ulany "Batys" óńirlik qolbasshylyǵy
Oral qalasynda Ulttyq ulannyń «Batys» óńirlik qolbasshylyǵynyń jeke quramy Uly Jeńistiń 81 jyldyǵyna orai Ekinshi dúniejúzilik soǵystyń ardageri Veniamin Skalenkoǵa qurmet kórsetti, dep habarlaidy baspasóz qyzmeti.
Óńirlik qolbasshylyqtyń qolbasshysy, polkovnik Nariman Akbarov maidangerdiń shańyraǵyna arnaiy baryp, ony Uly Jeńis kúnimen quttyqtady.
Polkovnik Nariman Akbarov ardagerge Qazaqstan Respýblikasy Ulttyq ulanynyń atynan alǵys hat pen arnaiy syi-siiapat tabystady.
«Sizderdiń erlikterińiz — búgingi beibit ómirdiń negizi. Otan úshin jasaǵan janqiiarlyq eńbekterińiz eshqashan umytylmaidy. Biz keiingi jas býynǵa maidangerlerdiń erligi men ónegeli ómir jolyn nasihattap júremiz. Bul — bizdiń paryzymyz», — dedi qolbasshy Nariman Akbarov.
Saltanatty sát barysynda áskeri orkestrdiń jeke quramy soǵys jyldaryndaǵy áigili «Katiýsha» jáne «Jeńis kúni» ánderin oryndady. Jeńis jyldarynyń únindei bolǵan áýenderdi tyńdaǵan ardager kózine jas alyp, ótken kúnderdi eske aldy.
«Biz surapyl soǵysty kórdik. Ol kezde jaǵdai óte aýyr boldy. Halyq ashtyqty da, qiyndyqty da bastan ótkerdi. Maidan dalasynda talai bozdaqtan aiyryldyq. Bizden keiingi urpaq endi ondai qasiretti kórmesin. Elimiz árdaiym beibitshilik pen tynyshtyqta ómir súrsin», — dedi Veniamin Panteleevich.
Kezdesý barysynda qolbasshy ardagerdiń biyl qazan aiynda 102 jasqa tolatynyn aityp, mereili jasymen mindetti túrde arnaiy kelip quttyqtaityndaryn jetkizdi.
