BQO boiynsha qylmystyq-atqarý júiesi departamentiniń baspasóz qyzmeti málim etkenindei, telefondardy alyp ótý oqiǵasy 18 mamyr kúni qaýipsizdigi barynsha joǵary mekemede bolǵan, dep habarlaidy QazAqparat.
«Mekemeniń jedel qyzmetkerlerine túrme aýmaǵyna tyiym salynǵan zattardy alyp ótýge daiyndyq júrip jatqany jóninde aqparat túsken. «B» jeke mekemesiniń «T» esimdi júrgizýshisiniń avtokóligin tekserý barysynda aýa kompressory ballonynan 38 uialy telefon tabylǵan. Onyń 30-y – smartfon. Sondai-aq, 42 qýattaý qurylǵysy, 10 symsyz jáne 3 symdy qulaqqap shyqqan», - dedi RÝ-170/3 mekemesiniń bastyǵy, ádilet polkovnigi Magnis Sabyrov.
Oqiǵa ornyna jedel tergeý toby shaqyrtylyp, tyiym salynǵan zattardy tárkileý aktisi túzildi. Qazir atalǵan derek boiynsha qyzmettik tekserý júrgizilip jatyr.
