Oral qalasy bas memlekettik sanitar dárigeriniń 4 qarashadaǵy qaýlysyna sáikes qosymsha shekteý sharasy engizildi, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindei, qaýly 7 qarashadan bastap kúshine enedi.
Qaýlyǵa sáikes jedel járdem, avariialyq qyzmetter jáne basqa arnaiy organdardyń avtokóligin, sondai-aq túngi aýysymda jumys jasaityn adamdardyń avtokólikpen júrýin, asa qajet jaǵdaida (dárihanalardan dári-dármek pen meditsinalyq buiymdardy satyp alý maqsatynda shyǵý, shuǵyl jaǵdai boiynsha meditsinalyq mekemege barý) jeke avtokólikpen júrip-turýdy qospaǵanda, saǵat 23.00-den bastap 06.00-ge deiin avtokóliktiń júrýine shekteý qoiylady.
Jeke jáne zańdy tulǵalar basqa da dáleldi sebeptermen saǵat 23.00-den 06.00-ge deiin avtokólikpen júrý qajet bolǵan jaǵdaida http://www.STOPCOVID.KZ saitynda tirkelýi qajet nemese 109 telefon nómirine ótinish habarlama qaldyrýy tiis.
Batys Qazaqstan oblysy aqparattandyrý, memlekettik kórsetiletin qyzmetter jáne arhivter basqarmasyna http://www.STOPCOVID.KZ saitynyń úzdiksiz jumys isteýin qamtamasyz etý tapsyryldy.
BQO politsiia departamenti qosymsha shekteýdi saqtaý maqsatynda patrýldeýdi uiymdastyryp, atalǵan talap buzylǵan jaǵdaida material toltyryp, Oral qalasy taýarlar men kórsetiletin qyzmetterdiń sapasy men qaýipsizdigin baqylaý basqarmasyna jiberedi.
