Avtor: Siim Lõvi /ERR
Oral qalasynda eki balasymen joldan ótip bara jatqan áieldi traktor basyp ketti, dep habarlaidy Sputnik Qazaqstan "MoiGorod" portalyna silteme jasap.
Kýágerlerdiń aitýynsha, bul oqiǵa 23 qańtarda ortalyq bazar jaqta bolǵan. Áiel eki balasyn ustap, joldan ótip bara jatqan. Sol jerde kommýnaldyq qyzmetke qaraityn traktor qar kúrep júrgen.
"Traktor qardy alyp, KamAZ-ǵa artý úshin artqa júrdi. Tehnikanyń júrgizýshisi ony baiqamaǵan bolýy kerek, eki balasymen birge basyp ketti. Adamdar balalardy shyǵaryp úlgerdi. Al áieldiń eki aiaǵyn basyp ótti. Biz oǵan tiisken joqpyz, jedel járdemdi kúttik", - deidi oqiǵanyń kýágeri.
Densaýlyq saqtaý basqarmasy 40 jastaǵy áieldiń oblystyq aýrýhananyń travmatologiia bólimshesine jetkizilgenin habarlady. Onyń jaǵdaiy orta aýyr bolyp tur.
"8 jáne 10 jastaǵy eki qyzdy travmotolog ta, neirohirýrg ta qarap shyqty. Bireýi tizesinen jaraqat aldy. Meditsinalyq kómekten keiin ekeýi de úiine jiberildi", - deidi dárigerler.
Al politseiler oqiǵanyń mán-jaiyn anyqtaýǵa kiristi. Tekseristiń nátijesi boiynsha sheshim qabyldanady.
