Oral qalasynda monitoringtik top toi jasap jatqandardyń ústinen tústi, dep habarlaidy "Ult aqparat".
Oral qalasy ákimi apparatynyń bólim basshysy Aslan Jarmuhanovtyń aitýynsha, monitoring barysynda 14 qarasha kúni shekteý sharalaryn buzýshylyqtyń bes deregi anyqtaldy.
Sonyń ishinde «Aibat» meiramhanasynda úilený toiy bolyp, 60-70-tei adam jinalǵan.
«Biz barǵan kezde ishtegiler bir saǵat ýaqyttai esikti ashqan joq. Sodan keiin meiramhana ákimshisine qońyraý shalyp, tótenshe jaǵdai qyzmetkerlerin shaqyrdyq, esikti buzdyramyz degennen keiin ǵana ishke kire aldyq. Toi qonaqtary kiinip úlgergen, meiramhanadan shyǵyp bara jatqan sátte videoǵa túsip qaldy», deidi Aslan Jarmuhanov.
Sondai-aq Nekrasov kóshesi 47 mekenjaiynda ornalasqan kottedjde otbasylyq sharanyń ótip jatqany belgili boldy.
Oǵan otyz shaqty adam qatysqan.
Taǵy eki derek dúkenderde termometriianyń joqtyǵy jáne araqashyqtyqtyń saqtalmaýyna qatysty tirkeldi. Sonymen qatar qoǵamdyq tamaqtandyrý nysany jumys isteý ýaqytyn buzǵan.
Barlyq materialdar tiisti sharalar qabyldaý úshin Oral qalasy taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldandy.
