ورال قالاسىندا مونيتورينگتٸك توپ توي جاساپ جاتقانداردىڭ ٷستٸنەن تٷستٸ, دەپ حابارلايدى "ۇلت اقپارات".
ورال قالاسى ەكٸمٸ اپپاراتىنىڭ بٶلٸم باسشىسى اسلان جارمۇحانوۆتىڭ ايتۋىنشا, مونيتورينگ بارىسىندا 14 قاراشا كٷنٸ شەكتەۋ شارالارىن بۇزۋشىلىقتىڭ بەس دەرەگٸ انىقتالدى.
سونىڭ ٸشٸندە «ايبات» مەيرامحاناسىندا ٷيلەنۋ تويى بولىپ, 60-70-تەي ادام جينالعان.
«بٸز بارعان كەزدە ٸشتەگٸلەر بٸر ساعات ۋاقىتتاي ەسٸكتٸ اشقان جوق. سودان كەيٸن مەيرامحانا ەكٸمشٸسٸنە قوڭىراۋ شالىپ, تٶتەنشە جاعداي قىزمەتكەرلەرٸن شاقىردىق, ەسٸكتٸ بۇزدىرامىز دەگەننەن كەيٸن عانا ٸشكە كٸرە الدىق. توي قوناقتارى كيٸنٸپ ٷلگەرگەن, مەيرامحانادان شىعىپ بارا جاتقان سەتتە ۆيدەوعا تٷسٸپ قالدى», دەيدٸ اسلان جارمۇحانوۆ.
سونداي-اق نەكراسوۆ كٶشەسٸ 47 مەكەنجايىندا ورنالاسقان كوتتەدجدە وتباسىلىق شارانىڭ ٶتٸپ جاتقانى بەلگٸلٸ بولدى.
وعان وتىز شاقتى ادام قاتىسقان.
تاعى ەكٸ دەرەك دٷكەندەردە تەرمومەترييانىڭ جوقتىعى جەنە اراقاشىقتىقتىڭ ساقتالماۋىنا قاتىستى تٸركەلدٸ. سونىمەن قاتار قوعامدىق تاماقتاندىرۋ نىسانى جۇمىس ٸستەۋ ۋاقىتىن بۇزعان.
بارلىق ماتەريالدار تيٸستٸ شارالار قابىلداۋ ٷشٸن ورال قالاسى تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ باسقارماسىنا جولداندى.
