Oralda tórt ózbekstandyq azamat koronavirýstan jazylyp shyqty, dep habarlaidy "Ult aqparat".
Oblystyq juqpaly aýrýlar aýrýhanasynyń direktory Nadiia Ahmetovanyń aitýynsha, olardan alynǵan baqylaý synamasy taza ekendigin kórsetti.
Tórteýiniń de jaǵdaiy qanaǵattanarlyq.
«Endi bulardyń ekeýi óz júk kóligimen eline qaitatyn bolady. Ekeýine taksimen jetý úshin qala ákimdigi arqyly ruqsat alynyp berildi. Qalǵan 97 naýqastyń bireýi aýyr halde. 32-si orta aýyr dárejede, qalǵanyniki jeńil ótip jatyr», dedi QazAqparat tilshisine N.Ahmetova.
Osylaisha Batys Qazaqstanda jazylyp shyqqandar sany alty adamǵa jetti.
Eske sala keteiik, budan buryn BQO-da koronavirýs juqtyrǵan 4 adamnyń júk tasymalymen ainalysatyn Ózbekstan azamaty bolyp shyqqanyn, búgin 1400-ge jýyq adamnyń úide oqshaýlanǵanyn jazǵan bolatynbyz.
