ورالدا تٶرت ٶزبەكستاندىق ازامات كوروناۆيرۋستان جازىلىپ شىقتى, دەپ حابارلايدى "ۇلت اقپارات".
وبلىستىق جۇقپالى اۋرۋلار اۋرۋحاناسىنىڭ ديرەكتورى نادييا احمەتوۆانىڭ ايتۋىنشا, ولاردان الىنعان باقىلاۋ سىناماسى تازا ەكەندٸگٸن كٶرسەتتٸ.
تٶرتەۋٸنٸڭ دە جاعدايى قاناعاتتانارلىق.
«ەندٸ بۇلاردىڭ ەكەۋٸ ٶز جٷك كٶلٸگٸمەن ەلٸنە قايتاتىن بولادى. ەكەۋٸنە تاكسيمەن جەتۋ ٷشٸن قالا ەكٸمدٸگٸ ارقىلى رۇقسات الىنىپ بەرٸلدٸ. قالعان 97 ناۋقاستىڭ بٸرەۋٸ اۋىر حالدە. 32-سٸ ورتا اۋىر دەرەجەدە, قالعانىنٸكٸ جەڭٸل ٶتٸپ جاتىر», دەدٸ قازاقپارات تٸلشٸسٸنە ن.احمەتوۆا.
وسىلايشا باتىس قازاقستاندا جازىلىپ شىققاندار سانى التى ادامعا جەتتٸ.
ەسكە سالا كەتەيٸك, بۇدان بۇرىن بقو-دا كوروناۆيرۋس جۇقتىرعان 4 ادامنىڭ جٷك تاسىمالىمەن اينالىساتىن ٶزبەكستان ازاماتى بولىپ شىققانىن, بٷگٸن 1400-گە جۋىق ادامنىڭ ٷيدە وقشاۋلانعانىن جازعان بولاتىنبىز.
