Oralda 6 jasar qyzdyń tokqa soǵylyp, kóz jumýyna bailanysty qylmystyq is qozǵaldy, dep habarlaidy "Ult aqparat".
Budan buryn habarlaǵanymyzdai, qalaǵa qarasty Derkól kentinde gaz qubyryn ustaǵan 6 jasar qyz mert bolǵan edi.
«Búgin saraptama qorytyndysyna sáikes qyz balanyń tok soǵyp qaitqany belgili boldy. Bastapqyda bul derek jazataiym oqiǵa retinde tirkelgen edi. Qazirgi kezde ol qaita dárejelenip, QR QK 306-baby 3-babyna (abaisyzda adam ólimine ákep soqqan qaýipsizdik talaptaryna sai kelmeitin taýarlardy shyǵarý nemese satý, jumystardy oryndaý ne qyzmetter kórsetý) sáikes qylmystyq is qozǵaldy», dedi BQO politsiia departamentiniń resmi ókili Bolatbek Belgibekov.
