Oralda toǵyz ailyq qyz eskalatordan qulap ketti, dep habarlaidy QazAqparat.
BQO politsiia departamentiniń baspasóz qyzmeti málim etkenindei, oqiǵa 13 naýryz kúni «Jeńis» shaǵynaýdanynda ornalasqan «Aziia Moll» saýda oiyn-saýyq ortalyǵynda boldy.
Eskalatorda birinshi jáne ekinshi qabattyń arasynda ketip bara jatqan kezde 1987 jylǵy anasynyń qolynan kishkentai qyz qulap ketken.
Shamamen saǵat 14.23-te 9 ailyq qyz qalalyq kópbeiindi aýrýhanaǵa jetkizildi.
Atalǵan derek Oral qalasy politsiia basqarmasynda tirkelip, tekseris júrgizilýde.
BQO densaýlyq saqtaý basqarmasynyń baspasóz qyzmeti naqtylaǵanyndai, qyzdyń jaǵdaiy óte aýyr. Qazir jansaqtaý bóliminde.
