Foto: pixabay.com
Oralda 17 jastaǵy qyz jeke demalys bazasynda syrǵanaý kezinde aýyr jaraqat aldy, - dep habarlaidy "Ult aqparat" "Moi gorod" basylymyna silteme jasap.
Basylym málimetinshe, oqiǵa 28 qańtarda Svistýn taýy aimaǵyndaǵy jekemenshik demalys ortalyǵynda bolǵan.
"29 qańtarda saǵat 01:34-te oblystyq balalar aýrýhanasyna 2005 jyly týǵan, kámeletke tolmaǵan qyz tústi. Ol 28 qańtar saǵat 22:00 shamasynda Svistýn taýynda syrǵanaq teýip júrgende trosqa soǵylǵan. Jaǵdaiy aýyr, ishtiń jabyq jaraqaty, baýyrdyń jyrtylýy, oń jaqtaǵy 5, 6, 7 qabyrǵalardyń jabyq synýy sekildi diagnoz qoiyldy", - delingen habarlamada.
Qazirgi kezde oqiǵanyń jai-japsary anyqtalý ústinde. Atalǵan derek sotqa deiingi tergep-tekserýdiń biryńǵai tiziliminde tirkelip, QR QK 306-babyna sáikes qylmystyq is qozǵalǵan.
Al, BQO densaýlyq saqtaý basqarmasy baspasóz qyzmetiniń naqtylaýynsha, oqiǵa «Saian» demalys bazasynda bolǵan.
