فوتو: pixabay.com
ورالدا 17 جاستاعى قىز جەكە دەمالىس بازاسىندا سىرعاناۋ كەزٸندە اۋىر جاراقات الدى, - دەپ حابارلايدى "ۇلت اقپارات" "موي گورود" باسىلىمىنا سٸلتەمە جاساپ.
باسىلىم مەلٸمەتٸنشە, وقيعا 28 قاڭتاردا سۆيستۋن تاۋى ايماعىنداعى جەكەمەنشٸك دەمالىس ورتالىعىندا بولعان.
"29 قاڭتاردا ساعات 01:34-تە وبلىستىق بالالار اۋرۋحاناسىنا 2005 جىلى تۋعان, كەمەلەتكە تولماعان قىز تٷستٸ. ول 28 قاڭتار ساعات 22:00 شاماسىندا سۆيستۋن تاۋىندا سىرعاناق تەۋٸپ جٷرگەندە تروسقا سوعىلعان. جاعدايى اۋىر, ٸشتٸڭ جابىق جاراقاتى, باۋىردىڭ جىرتىلۋى, وڭ جاقتاعى 5, 6, 7 قابىرعالاردىڭ جابىق سىنۋى سەكٸلدٸ دياگنوز قويىلدى", - دەلٸنگەن حابارلامادا.
قازٸرگٸ كەزدە وقيعانىڭ جاي-جاپسارى انىقتالۋ ٷستٸندە. اتالعان دەرەك سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸندە تٸركەلٸپ, قر قك 306-بابىنا سەيكەس قىلمىستىق ٸس قوزعالعان.
ال, بقو دەنساۋلىق ساقتاۋ باسقارماسى باسپاسٶز قىزمەتٸنٸڭ ناقتىلاۋىنشا, وقيعا «سايان» دەمالىس بازاسىندا بولعان.
