Oralda oiyqqa sý alýǵa barǵan zeinetker kóz jumdy, dep habarlaidy "Ult aqparat".
BQO TJ departamentiniń baspasóz qyzmeti málim etkendei, oqiǵa Jaiyq ózeninde adamdar shomylyp jatqan oiyq mańynda boldy.
Er adam sozylmaly syrqatymen esepte turǵan. Sol jerde qutqarýshylar júgirip, qoldan kelgen kómegin jasady.
Oblystyq densaýlyq saqtaý basqarmasy baspasóz qyzmetiniń naqtylaýynsha, saǵat 11.08-de Eski sobor mańyndaǵy oiyq janynda Derkól aýylynyń turǵyny, bas miynyń aterosklerozymen aýyratyn 78 jastaǵy er adamnyń hali kúrt nasharlaǵan.
Sonda kezekshilik etken jedel járdem brigadasy barlyq is-áreketti atqarǵanymen, er adamnyń beti beri qaramady.
BQO TJ departamentinen túsken málimetke qaraǵanda, óńirde shoqyný meiramy kezinde barlyq qurylymdyq jáne aýmaqtyq bólimsheler kezekshilik etti.
Turǵyndardyń qaýipsizdigin qamtamasyz etý úshin jeke quramnan 113 qyzmetker, 18 tehnika, QR TJM «Meditsinalyq apattar ortalyǵy» memlekettik mekemesi BQO boiynsha filialynan 5 adam, 1 tehnika, BQO politsiia departamentinen 103 qyzmetker, 41 tehnika, jergilikti atqarýshy organdardan 5 adam, 1 tehnika jumyldyryldy.
Oblys aýmaǵynda 1155 adam shomylsa, sonyń 903-i - qalada, 252-si - aýdandarda.
