Oralda saiabaqta attraktsion buzylyp, saldarynan segiz bala aýrýhanaǵa jatqyzyldy. Zardap shekkenderdiń kóbi bas súiek-mi jaraqatyn alǵan. Oqiǵanyń sebepteri jaqyn arada anyqtalady, - dep habarlaidy "Ýralskaia nedelia".
Basylym málimetinshe, oqys oqiǵa 2 mamyrda "Chýdnenko" attraktsionynda bolǵan. Kýágerlerdiń sózinshe, asqan jyldamdyqpen ainalyp turǵan attraktsion kenet toqtap qalǵan.
"Átkenshek kenetten toqtap, balalar bir-birine soǵyla bastady", - deidi oqiǵa kýágeri.
Saldarynan 5-10 jas aralyǵyndaǵy segiz bala túrli jaraqat alyp, oblystyq kópsalaly aýrýhanaǵa jetkizildi. Jeti búldirshin jabyq bas súiek-mi jaraqatyn (midyń shaiqalýy) aldy. Taǵy bir qyzdyń denesi kógerip, terisi jyrylǵan.
Videodan balalar otyrǵan átkenshek kenetten toqtap, oryndyqtar bir-birine jáne átkenshektiń ortalyq tiregine soǵylyp jatqanyn kórýge bolady. Sol mańda júrgen ata-analar birden balalaryna kómekke júgirdi.
Basylym málimetinshe, qalalyq saiabaqtaǵy attraktsiondar RIA "MIR" JShS-ne tiesili. Dál osyndai oqiǵa osydan eki jyl buryn bolǵan eken. Ol kezde tehnikalyq aqaý saldarynan ""Koleso obozreniia" attraktsiony toqtap qalǵan. TJ qyzmetkerleri attraktsiondaǵy 18 adam, sonyń ishinde, alty balany qutqardy.
