Orystyń uly shaiyry Aleksandr Pýshkinniń "egizi"qaitys boldy. Oral qalasynda turǵan Vladislav Býkreev 74 jasta edi. Qaraly habardy onyń jary estirtti, - dep habarlaidy "Ult aqparat".
Vladislav Býkreev - orys aqyny Aleksandr Sergeevich Pýshkinniń álemde resmi moiyndalǵan jalǵyz egizi. Ol bul mártebeni 1980 jyly Leningradta ótken halyqaralyq baiqaýda alǵan.
Jeńimpaz diplomynda: "Bul diplomnyń ókili A. S. Pýshkin dep atalýǵa quqyly" dep jazylǵan.
Sodan beri Býkreev Oraldyń "vizit kartasyna" ainalǵan. Ol Pýshkin rólderin somdaý úshin Ostrovskii atyndaǵy orys drama teatryna da shaqyrylyp turǵan.
"Óte jarqyn adam edi. Biz onymen keremet fotosessiialar jasadyq. Ol meiirimdi, jaqsy adam bolǵan. Onyń jaqyndary men týystaryma kóńil aitamyn", - dedi fotograf ári jýrnalist Oksana Katkova.
Vladislav Býkreevpen qoshtasý rásimi 25 mamyrda ótedi.
