Oral qalasynda poiyz qaǵyp ketken er adam kóz jumdy, dep habarlaidy QazAqparat.
Oblystyq densaýlyq saqtaý basqarmasynyń baspasóz qyzmeti málim etkenindei, oqiǵa búgin saǵat 14.40-ta 4-shaǵynaýdanda boldy.
Poiyz qaǵyp ketken er adam alǵan jaraqattary saldarynan jedel járdem kelgenge deiin qaitys boldy.
QR IIM Kóliktegi politsiia departamentiniń baspasóz qyzmeti atalǵan derektiń Oral stantsiiasyndaǵy jelilik politsiia bóliminiń sotqa deiingi tergep-tekserýdiń biryńǵai
tiziliminde QR QK 344-baby 2-bóligine (abaisyzda adam ólimine ákep soqqan temirjol kóligi qozǵalysynyń qaýipsizdik qaǵidalaryn buzý) sáikes tirkelgenin habarlady.
Qazirgi kezde tergeý amaldary júrgizilýde.
Bul is boiynsha basqa aqparat QR Qylmystyq is júrgizý kodeksiniń 201-babynyń talaptaryna sáikes tergeý múddesine orai jariialaýǵa jatpaidy.
