Oralda politsiia qyzmetkeriniń jalǵan nómirmen kólik aidaǵany anyqtaldy, dep habarlaidy "Ult aqparat".
Bul derek Batys Qazaqstan oblystyq sybailas jemqorlyqqa qarsy qyzmet pen oblystyq politsiia departamenti ózindik qaýipsizdik basqarmasynyń qyzmetkerleri 15 tamyz kúni birlesip júrgizgen reid barysynda belgili boldy.
«Adaldyq alańy» respýblikalyq jobalyq keńse jetekshisi Tólegen Baiǵulov Facebook-tegi paraqshasynda málim etkenindei, reid kezinde toqtatylǵan, politsiia qyzmetkeri júrgizgen Kia Optima avtokóligine jalǵan nómir taǵylǵan bolyp shyqty. Avtokólik aiyp turaǵyna jetkizildi.
BQO politsiia departamentiniń baspasóz qyzmeti atalǵan avtokóliktiń rýlinde Oral qalasy politsiia basqarmasynyń qyzmetkeri otyrǵandyǵyn rastady.
Politsiia qyzmetkerine qatysty QR Ákimshilik quqyqbuzýshylyq kodeksi 590-baby 4-bóligine (kórineý jalǵan nemese qoldan jasalǵan memlekettik tirkeý nómiri belgileri bar kólik quralyn basqarý) sáikes ákimshilik hattama toltyryldy. Material sotqa joldandy.
