Oralda politsiia qyzmetkeri adamdy qaǵyp óltirip, oqiǵa ornynan izin sýytqan, - dep habarlaidy Massaget.kz portaly "Moi GOROD" basylymyna silteme jasap.
Tergeý bóliminiń basshysy Erlan Jaqsybaevtyń aitýynsha, 18 qyrkúiekke qaraǵan túni Oralda Momyshuly kóshesinde jol apaty oryn alyp, saldarynan jábirlenýshi oqiǵa ornynda qaza tapqan.
"Oqiǵaǵa kináli adam qashyp ketti, QR Qylmystyq qodekstiń 345-baby 3-bóligi "Abaisyzda adam ólimine ákep soqqan kólik quraldaryn paidalaný qaǵidalaryn buzýy" jáne Qylmysyq kodekstiń QR QK 347-baby "Jol-kólik oqiǵasy bolǵan jerden ketip qalý" boiynsha tergeý bastaldy. Jedel izdestirý is-sharalaryn júrgizdik, nátijesinde qylmysty jasaǵan adam anyqtaldy. Ol bizdiń qazirgi politsiia qyzmetkeri. Jaiaý júrginshini qaǵyp ketken Hyundai kóligi aiyp turaǵyna qamaldy. Ol qyzmetker bolǵanyna qaramastan, biz qatań sharalar qabyldadyq jáne ony ýaqytsha ustaý izoliatoryna qamadyq. Marqumnyń otbasyna kóńil aitamyz", - dedi Mirhat Ájenov.
Onyń aitýynsha, bul is departament basshylyǵynyń ǵana emes, Ishki ister ministrligi basshylyǵynyń da baqylaýynda. Is boiynsha birqatar saraptamalar taǵaiyndaldy.
"Ol aiǵaq berýden bas tartty. Biraq qylmys jasaǵanyn moiyndady. Oqiǵanyń basqa aspektileri anyqtalatyn bolady", - dedi Ájenov.
Vedomstvo kólikti politsiia kapitany shenindegi ýchaskelik politsiia qyzmetkeri basqarǵanyn aitty.
