Oralda politsiia avtokóligi 21 jastaǵy qyzdy qaǵyp ketti, dep habarlaidy "Ult aqparat".
Bloger Aibolat Bókenov facebook paraqshasynda jariialaǵandai, oqiǵa keshe túnde Zachagan kenti «Molodejnaia» aialdamasy tusynda boldy.
Borttyq nómiri 174, memlekettik nómiri 614 KP 07 patrýldik politsiia avtokóligi joldan ótip bara jatqan qyzdy qaǵyp ketti.
Oblystyq densaýlyq saqtaý basqarmasynyń baspasóz hatshysy Ainagúl Saqposynovanyń aitýynsha, jedel járdemge saǵat 21.58-de qońyraý shalyndy. Brigada 22.05-te jetti.
Jol-kólik oqiǵasy saldarynan 1998 jylǵy qyz zardap shekti.
«Qalalyq kópbeiindi aýrýhanasyna jetkizilgen qyzdyń jaǵdaiy aýyr. Bas pen midyń ashyq jaraqatyn alǵan oǵan ota jasalǵan. Qazir jansaqtaý bóliminde», dedi QazAqparat tilshisine A.Saqposynova.
Qazirgi kezde oqiǵanyń jai-japsary anyqtalý ústinde.
Ázirge Politsiia departamenti oqiǵaǵa qatysty eshqandai túsinikteme bergen joq.
