1 tamyzda Oral qalalyq sotynyń sýdiasy Asqar Izmailov Batys Qazaqstan oblysy maslihatynyń burynǵy depýtaty Qaidar Qoshanovty bes jyl shartty túrde bas bostandyǵynan aiyrdy.
Oblystyq ishki ister departamenti baspasóz qyzmetiniń habarlaýynsha, biyl 29 naýryzda Oralda jol apaty bolyp, Toyota Land Cruiser 200 kóligi Samara-Shymkent tas jolynda "Lada Priora" jáne "Aýdi" kólikterin soqqan.
Toyota Land Cruiser 200 kóliginiń rólinde Qaidar Qoshanov otyrǵan. Jol apatynan "Lada" kóliginiń 22 jastaǵy júrgizýshisi Viacheslav Lopýhin men 63 jastaǵy apasy Nadejda Kondrashkina qaza tapqan. "Aýdi" kóliginiń júrgizýshisi jaraqattanǵan.
Sotta qaza tapqandardyń týystary sýdiadan Qoshanovty túrme jazasyna kespeýdi surady. Máslihattyń burynǵy depýtaty shaǵymdanýshy tarapqa ótemaqy tóleýi tiis. Ótemaqy kólemi sot sheshimi kúnine engen soń belgili bolady.
Qoshanov "Bolashaq-T" qurylys kompaniiasynyń bas direktory retinde burynǵy ulttyq ekonomika ministri Qýandyq Bishimbaev isinde figýrant bolǵan.
